हिमालयखवर संवाददाता
ड्यालस (अमेरिका) – नेपालको चर्चित व्याण्ड नेपथ्यले शनिबार अमेरिकाको ड्यालसमा सांगितिक माहौल तताउँदैछ ।
अमेरिकाको सांगितिक टुरको क्रममा केही दिन अघि ड्यालस आइपुगेको नेपथ्यको टोलीले शनिबार साँझ ड्यालसका नेपाली समुदायमाझ कन्सर्ट दिँदैछ । सांगितिक टुरको सिलसिलामा नेपथ्यका अमृत गुरुङ सहितको १० जनाको टोली अमेरिका आइसकेको छ ।
यस पटक नेपथ्यले ड्यालस र बोस्टनमा आफ्नो प्रस्तुति दिने यस पटक टुरको समन्वय गरिरहेका डिजे मम (विपिन थकाली) ले जानकारी दिए । शनिबार ड्यालसमा हुने कार्यक्रमको सबै तयारी पुरा भैसकेको र झण्डै दुईहजार टिकट बिक्री भएको समेत उनले बताए ।
मम इन्टरटेनमेन्ट, वाइज इन्टरटेनमेन्ट, निरज पन्त, बिपी इन्टरटेनमेन्ट र एभरेष्ट रेष्टुराको संयुक्त आयोजनामा यस पटक नेपथ्यको लाइभ सांगितीक कार्यक्रम हुन लागेको हो । यो सांगितीक यात्राका लागि आयोजकहरुले अहिलेसम्मकै सबैभन्दा ठूलो रकम नेपथ्य व्याण्डलाई तिरेको चर्चा ड्यालसमा चलेको छ । शनिबार ड्यालसको २७१३ क्यान्टोन स्ट्रिटमा कन्सर्ट हुँदैछ ।
नेपथ्यले अर्को प्रस्तुति भने आउँदो जुन २४ तारिक बोस्टनमा दिँदैछ । नेपथ्यको ड्यालस कन्सर्टको टिकट दर ३८ डलर र भिआइपीका लागि ६३ डलर राखिएको छ ।
प्रतिक्रिया