मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ग्लोबल   

टेक्सस स्थित नेपालीका व्यवसायमा यौन उत्पिडन भएको हल्ला प्रति व्यवसायीको चिन्ता

टेक्सस स्थित नेपालीका व्यवसायमा यौन उत्पिडन भएको हल्ला प्रति व्यवसायीको चिन्ता


हिमालयखवर संवाददाता
अमेरिका- टेक्ससमा नेपालीद्धारा सञ्चालित व्यवसायमा कार्यरत कार्मचारी माथि यौन उत्पिडन भएको हल्ला प्रति यहाँका व्यवसायीले चिन्ता व्यक्त गरेका छन् । यदि यस्तो भएको हो भने दोषी माथि कानुनी कारबाहीमा जान आफूहरूले सहयोग गर्ने व्यवसायीले बताएका छन् ।  फेसबुक लगायत सामाजिक सञ्जालमा यौन उत्पिडन भएको चर्चा भएपछि व्यवसायीले कुनै पुष्टि नभएको हल्लामा आफ्नो नाम नराख्नु भन्दै हिमालयखवरसंग यस्तो प्रतिक्रिया दिएका हुन् ।  सामाजिक सञ्जालमा पनि विभिन्न तर्क वितर्क गरिएको छ । व्यवसायीले भने यसलाई गम्भीर रूपमा लिएको बताएका छन्  । 
 
यस्तो यौन उत्पिडन कहीँ कतै भएको रहेछ भनेपनि कानुनी बाटोबाट सम्बोधन गर्न सकिन्छ टेक्ससका एक व्यवसायीले भने तर, दोषी किटान नहुँदै कसैको चरित्र माथि शंका गर्नु पनि उचित होइन । टेक्ससमा नेपालीको लगानी भएका करिब १ हजार स्टोर रहेको अनुमान छ । यसबाहेक थुप्रै रेष्टुरेण्ट, व्यूटी सैलुन लगायतका क्षेत्रमा पनि नेपालीले लगानी गरेका छन् । यस्ता हल्लाले व्यवसायीको चिन्ता भने बढाएको त्यहाँका धेरै व्यवसायीले हिमालयखवरसंग बताए । 
 
कहीँ कतै यस्तो भएको छ, भने हामी पीडित पक्षलाई सहयोग गर्न तयार छौँ टेक्ससका एक व्यवसायीले भने तर, सामाजिक सञ्जालमा सबै व्यवसायीलाई मुछेर आक्षेप लगाउनु ठिक होइन यो रोकिनु पर्छ । यस अघि नै व्यवसायी माथि प्रश्न उठाउँदै यस्ता आरोप लागेका थिए । तर, पुष्टि भने भएन । 
 
सामाजिक सञ्जालमा यौन उत्पिडनको बहस भए पनि अहिले सम्म पीडित पक्ष प्रहरी कहाँ उरुरी गरेको जानकारी भने आएको छैन । यस विषयमा आधिकारिक रूपमा सम्बन्धित निकायले सोधपुछ परेको पुष्टि पनि भएको छैन । यसमा अधिकारिक रूपमा प्रहरी वा अन्य कुनै निकायमा समक्ष उरुरी परेको पनि सार्वजनिक भएको छैन । 
 
टेक्सस नेपाली समुदायको ठुलो जनसङ्ख्या भएको राज्य हो । यहाँ व्यवसाय गर्ने देखि विद्यार्थीहरूको सङ्ख्या पनि तुलनात्मक रूपमा धेरै छ । केही साता अघि ड्यालसको डाउन टाउनमा भएको कन्सर्टमा बिहान सवेरसम्म झुमिरहेका नेपाली किशोर किशोरीको संख्यालेपनि यहाँ युवाहरूको जमानपनि अत्याधिक रहेको देखाएको थियो । 
 
अमेरिकामा व्यवसायमा भित्र यौन उत्पिडनलाई गरिम्भर रूपमा लिइन्छ । कहिले कांही नेपाली समुदाय भित्र यस्ता घटना विगतमा पनि आएका थिए । करिब एक वर्ष अघि किशोरी गायिका निक्की कार्कीले नेपाली समुदायको सार्वजनिक कार्यक्रममा प्रस्तुति दिन जाँदा आयोजक मध्येका एक पुरुषले यौन उत्पिडन गरेको घटना सार्वजनिक गरेकी थिइन । यसले नेपाली समाजलाई सचेत भने गराएको थियो । 
 
अमेरिकामा नेपाली समुदायले व्यवसाय गर्ने क्रम बढी रहेको छ । यहाँ सञ्चालित व्यवसायमा एक खर्ब रुपैंया भन्दा बढी लगानी भएको अनुमान छ । टेक्सस, न्यूयोर्क, लसएञ्जल्स नेपालीको व्यवसाय बढी भएको शहर हुन् । तस्बिर: सामाजिक संजाल