– नातिबाबु भट्ट
कोलोराडो (अमेरिका)- नेपाली र नेपालीभाषी भुटानीहरुको बाक्लो बसोबास रहेको कोलोराडोमा नेपालीहरुको साझा सामुदायीक भवन निर्माणका लागी आर्थिक संकलन गर्ने उद्धेश्यले अयोजना गरिएको श्रीमद्भागवत् महापुराणको चौथो दिनसम्म झण्डै ३ लाख ६० हजार डलर सहयोग संकलन भएको छ ।
नेपाली घरको संयोजन तथा कोलोराडोमा कृयाशिल सबै संघसंस्था र समाजसेवीहरुको आयोजनामा गत आईतबार देखी बाचन प्रविण पण्डित दिनबन्धु पोखरेलबाट श्रीमद्भागवत् महापुराणको कथावाचन शुरु भएको हो ।
नेपाली मुलका नेपाली भाषी भुटानीहरुको बाक्लो बसोबास रहेको अरोरा शहरको १६०९ हावाना स्ट्रीट स्थित भिलेज एस्चेन्ज सेन्टरमा उनीहरुको बिशेष सहयोगमा यस कार्यक्रम सञ्चालन भैरहेको छ ।
यसरी नेपाली भाषा र संस्कृतीको पहिचाहन र संरक्षण गर्ने उद्धेश्यले निर्माण गर्न लागिएको सामुदायीक भवनको लागी सहयोग गर्नेहरुमा याक एण्ड यती रेष्टुरेन्टका संचालक दिनेश भट्टराईको परिबारबाट २५ हजार १ सय १, नविन दत्तको परिबारबाट १५ हजार १, कृष्ण काफ्लेको परिवारबाट ११ हजार १ सय ११ र पदम बिश्वकर्माको परिबारबाट ५ हजार सहयोग गर्ने प्रतिबद्धता भएको छ ।
त्यसैगरी सहयोगको प्रतिबद्धता जनाउनेहरुमा शैलेस पोखरेलको परिवारबाट २ हजार २ सय २, सोम बरालको परिवारबाट २ हजार, केदार खतिवडाको परिवारबाट १ हजार ५ सय ११ , मेगमणी घिमीरेको परिवारबाट १ हजार १ सय ५१, सन्तोष काफ्लेको परिवारबाट १ हजार १ सय ११ रहेको छ । त्यस्तै १ हजार १ सहयोग गर्ने परिवारहरुमा क्रमश धनराज श्रेष्ठ, रोहिनी शर्मा, बलराम खनाल रुद्र न्यौपाने र प्रच्यूतमान श्रेष्ठ, रहेको कोषाध्यक्ष जगदिश ढकालले बताएका छन् ।
नेपालीहरुको आस्थाको धरोहर सामुदायिक भवन निर्माणको महायज्ञमा सहयोग गर्ने दाताहरुलाई अध्यक्ष मण्डलका टिम र नेपाली घरका पदाधिकारीहरुले खादा पहिराएर सम्मान गरेका थिए । भक्तजनहरुलाई ईन्डिया नेपाल ओभन रेष्टुरेन्ट लिटलटनका संचालक राधिका लामिछानेको परिवारबाट र इन्डियाज किचेन पार्करका संचालक अशोक न्यौपानेको परिबारबाट निशुल्क खाना उपलब्ध गराएका थिए ।
प्रतिक्रिया