हिमालयखवर संवाददाता
ड्यालस (अमेरिका) – अल्पायुमे निधन भएकी ड्यालसकी समाजसेवी कमला शाक्यको शुक्रवार अन्त्येष्टी गरियो ।
केही महिना देखि क्यान्सरको पीडामा रहेकी कमलाको अन्तेष्ठीमा ठुलो संख्यामा नेपाली समुदायको समहभागिता थियो । अन्तेष्टीमा उनका पति स्वयम्भू शाक्यले स्व. कमलासँगका स्मरण सुनाएका थिए ।
पाँच दिन अघिसम्मपनि आफुहरु आशावादी रहेको उल्लेख गर्दै शाक्यले क्यान्सरको जस्तो पीडा कसैले पनि भोग्नु नपरोस् भनि प्रार्थना गरेका थिए ।
विद्यार्थीका रुपमा अमेरिका आएकी कमला पेशाले नर्स थिईन् । करिव दुइ दशक अघि अमेरिका आएकी कमला समाजसेवाकी लागि नेपाली समुदायमा परिचित थिईन । उनको समाजमा भएको सकृयातालाई सम्मान गर्दै उनको अन्तेष्ठीमा नेपाली समुदायले भावविभोर भएर श्रध्दाञ्जली व्यक्त गरेका थिए । त्यस अवसरमा नेपाली समुदायको उल्लेख्य सहभागिता थियो ।
स्व. शाक्यको हिन्दु र बैाध्द दुबै परम्परा अनुसार अन्तिम संस्कार गरिएको थियो । उनको पार्थिब शरिरमा छोराले दागबत्ति दिएका थिए । उनका १५ वर्षिय छोरा र ७ बर्षकी एक छोरी छन् ।
श्रद्धान्जली सभाको भिडियो:
प्रतिक्रिया