हिमालयखवर संवाददाता
अमेरिका-
अमेरिकाका पूर्व प्रथम महिला बारबरा बुसको ९२ वर्षमा मंगलवार निधन भएको छ । बुस परिवारमा मजबुत नेतृत्व दिएकी रिपव्लिकन पार्टीकी बफादार कार्यकता बारबरा शीतयुद्ध लगत्तै पति जर्ज एच डब्लु बुस राष्ट्रपति हुदां प्रथम महिलाका रूपमा वाइटहाउस प्रवेश गरेकी थिइन । उनका पतिमात्र होइन छोरा जर्ज डब्लु बुस पनि पछि अमेरिकाको राष्ट्रपति बने ।
अमेरिकाको इतिहासमा पति र छोरा दुवै राष्ट्रपति हुने उनी दोस्रो महिला हुन् ।
प्रथम महिला हुदां मसिनो स्वरमा बोल्ने, आफ्नै विशेष स्टाइलको कपाल र नेकलेस उनका पहिचान थिए । सन् १९९३ मा दोस्रो कार्यकालका लागि पति निर्वाचित हुन नसकेपछि उनी चारबर्षमै ह्वाइहाउसवाट वाहिरिएकी थिइन । त्यहाँबाट वाहिरिएपछि उनले छोराहरू जर्ज र जेव बुसका पक्षमा जनमत बनाउन सक्रिय भएकी थिइन । जेव बुसपनि राजनीतिमा छन् । जेव गत राष्ट्रपति निर्वाचनमा पार्टी भित्रको उम्मेवार बन्न प्रतिस्पर्धामा थिए । तर, उनी पार्टीबाट मनोनय हुन सकेनन् ।
बारबराका ६ जना सन्तान थिए । ती मध्ये एक छोरीको क्यान्सरबाट मृत्यु भएको थियो । बारम्बराले पति बुसलाई टेक्ससको राजनीति देखि चीनका लागि अमेरिकी राजदूत, सिआईएको निर्देशक, उपराष्ट्रपति र राष्ट्रपति हुदां निकट रहेर सहयोग गरेकी थिइन । उनले महिला अधिकारका वारेपटक पटक सार्वजनिक रूपमा अभिव्यक्ति दिएकी थिइन् ।
बारबरा जुन ८ १९२५ मा न्युयोर्कमा सम्पन्न परिवारमा जन्मेकी हुन् । उनले साउथ क्यारिलोनाको प्रतिष्ठित बोर्डिग स्कुलमा पढ्ने मौका पाइन । त्यही उनको भावी पतिसँग भेट भएको थियो । त्यस बेला उनी १६ वर्षकी मात्र थिइन । बुस एक वर्ष जेठा थिए । कयौँ प्रेमपत्रको अदान प्रदान हुँदै गर्दा साढे १ वर्ष पछि जर्ज बुससँग उनको कुरा छिनिएको थियो । तर, त्यहीवेला नेभीमा संलग्न भई बुस दोस्रो विश्वयुद्धमा होमिए । त्यस बेला बुस फाइटर प्लेन उडाउने सबैभन्दा युवा पाइटल थिए । जर्ज बुस युद्धपछि हिरोका रूपमा घर फर्किएका थिए । बारबरा र बुसको विवाह भने सन् १९४५ मा भयो । उनले पतिकै घर टेक्ससमा परिवारलाई हुर्काउने जिम्मेवारी सम्हालिन् ।
पल्छिलो एक वर्ष यता उनलाई विभिन्न प्रकारका रोगले सताएको थियो । त्यही कारण उनको निधन भयो । उनका अहिले १७ जना नाति नातिना छन् । फोटो: सामाजिक संजाल
प्रतिक्रिया