ड्यालस (अमेरिका) – अमेरिकाको टेक्सास राज्यको ड्यालस वरपर रहेका नेपालीहरूको भेलाले नेपालको विवेकशील साझा पार्टी निकट सद्भाव समूह गठन गरेका छन् ।
गत साता भएको भेलाले ज्ञानेन्द्र बोहराको संयोजकत्वमा विवेकशील साझा सद्भाव समूह गठन भएको हो । १४ सदस्यीय सदभाव समूहमा नबिनदित्य कोइराला, राज अधिकारी, भुपेन्द्र अवस्थी, धिरेन सामन्त, हरिकृष्ण बिष्ट, सर्वोत्तम भगत, प्रविण चौलागाई, सुमन गौतम रहेका छन् । त्यस्तै अन्य सदस्यहरूमा मनिष अधिकारी, जनक सामन्त, राजिव रानाभाट र सन्दिप न्यौपाने छन् ।
नेपाल बाहिर रहेता पनि आफ्नो मातृभूमि प्रतिको उत्तिकै जिम्मेवारीबोध रहेको र नेपालको समृद्धि ,सकारात्मक परिवर्तन साथै सुशासनका पक्षमा आफुलाई उभ्याउने लक्ष्य लिइएको संयोजक बोहराले जानकारी दिए । समूहले इच्छुक व्यक्तिहरूका लागि सदस्यता खुल्ला रहेको समेत जनाएको छ ।
प्रतिक्रिया