हिमालयखवर संवाददाता
अमेरिका-
अमेरिकामा पनि बुधवार बिहान चन्द्रग्रहण लाग्ने भएको छ । नेपालमा बुधवार साँझ लाग्ने उक्त ग्रहण अमेरिकामा भने बुधवार बिहान देखिने छ ।
अमेरिकाका राज्यहरू हवाई, आलास्कावाट सुरु हुने बुधवार बिहानको चन्द्र ग्रहण अमेरिकाको मध्ये देखि पश्चिम क्षेत्रमा देखिने छ । टेक्सस, कोलोराडो राज्यमा पनि चन्द्र ग्रहण देखिने छ । माघ पूर्णिमाका दिन चन्द्रग्रहण लाग्नुलाई दिव्य संयोग मानिएको छ । सुपर मुन, ब्लुमुन र ग्रहण एक पटक हुनु त्रिसंयोग मानिएको छ ।
हाम्रो पूर्वीय धर्मशास्त्रीय मान्यता अनुसार सबै राशीकाले भने ग्रहण हेर्नु फलका लागि उचित छैन । टेक्सस स्थित नेपाली सनानत मन्दिरका मुल पुरोहित पण्डित डा.शेखर पण्डितका अनुसार बृष, तुला, कुम्भ, र कन्या राशि भएकाले मात्र ग्रहण हेर्दा फल प्राप्त हुन्छ । अन्य राशिका लाई भने यो ग्रहण नहेर्नु नै उपयुक्त छ, पण्डितको सुझाव छ । जुन राशि भएकालाई ग्रहण हेर्नु हुदैंन उक्त राशि भएकाका लागि यो ग्रहण अशुभ छ । खुला आँखाले भने कसैले ग्रहण हेर्नु हुदैंन ।
बुधवार एकमहिने स्वस्थानी व्रतको समाप्त हुने पूर्णिमा पनि हो । पुरोहित पण्डितका अनुसार अमेरिकामा भने ग्रहण सकिएपछि नियमित रूपमा बुधवार मध्यान्ह्कालमा स्वस्थानी ब्रत्रकथाको विधिपुर्वक समाप्ति अर्थात् सांगे गर्न सकिन्छ । नेपालमा पहिलेनै सांगे गरिने भएकाले यहाँ पनि केही भ्रम परेको छ, पण्डितले भने तर, बुधवार बिहान साढे ७ बजे अघि नै अमेरिकामा ग्रहण सकिने हुदां दिउसोको स्वस्थानी सांगेलाई फरक पर्दैन । नियमित रूपमा दिउसो गर्दा हुन्छ ।
चन्द्रग्रहण लाग्नु भन्दा ८ घण्टा अघिबाट खाना खान नहुने ज्योतिष मान्यता छ । त्यसैले अमेरिकामा मंगलवार साँझ अतिकति चाडै खाना खानु उपयुक्त हुने सुझाव डा पण्डितको छ । यस बेला सुत्न, हास्य विनाद, यौन सम्पर्क, नगर्दा राम्रो हुने ज्यातिषहरुको सल्लाह छ । ग्रहणका बेला आफ्नो धार्मिक मान्यता अनुसार दान, धर्म, पूजा आजा गरिने प्रचलन छ । यस्तो ग्रहण सेना, कृषक लागतका लागि फलदायी नहुने मान्यता छ । यो ग्रहण ककर्ट राशिमा परेको छ । यसले गर्दा यसराशीका लाई सबैभन्दा बढी प्रतिकूल प्रभाव पार्ने ज्योतिषशास्त्रीले बताएका छन् । विज्ञानले भने यस्ता तर्कलाई स्विकार्दैन ।
बैज्ञानिकहरुका अनुसार यो चन्द्र ग्रहणमा चन्द्रमा पृथ्वीको नजिक आउने सुपर मुन हुने छ । यसले गर्दा चन्द्रका आकार पहिले पहिले भन्दा ठुलो देखिने छ । एकै महिनामा दुई पटक पुर्णचन्द्र देखिने ब्लुमुनको योग पनि परेको वैज्ञानिकहरूले बताएका छन् । यो दुर्लभ खगोलिय घटना १५२ वर्ष पछि हुन लागेको हो । ब्लुमुन भनिएपनि चन्द्रमा निलो देखिने भने होइन । यो अरू वेला भन्दा १४ प्रतिशत चहकिलो मात्र हुने छ ।
अमेरिकामा ग्रहण करिब साढे ३ घण्टा रहने छ । यो प्यासेफिक समय अनुसार ३ बजेर ४८ मिनेट जाँदा सुरु हुने छ र ७ बजेर १२ मिनेर जाँदा सकिने छ । ग्रहणको सबैभन्दा बढी असर प्यासेफिक टाइममा ४ बजेर ५१ मिनेट देखि ६ बजेर ८ मिनेट जांदासम्म रहने छ । यो ग्रहण हेर्नका लागि अमेरिकाको हवाई र आलास्का सबैभन्दा उपयुक्त स्थान हुन् । त्यहाँबाट पुरा ग्रहण हेर्न सकिन्छ ।
प्रतिक्रिया