लसएन्जल्स (अमेरिका)– नेपाल आदिवासी जनजाति महासंघ अमेरिका फिप्नाको गत डिसेम्बर १७ तारिखमा सम्पन्न हुन नसकेको छैठौ अधिवेशन फेरी यही जनवरी २८ तारिख सम्पन्न हुन गइरहेको छ र महासचिव पदमा विनिता तामाङले फेरी आफ्नो उम्मेदवारी घोषणालाई निरन्तरता दिएकी छन् ।
वर्तमान फिप्ना कार्य समितिको सदस्य समेत रहेकी तामाङले फिप्नाको लक्ष्य र उद्देश्य प्राप्तिका लागि आफू थप क्रियाशील हुने बताएकी छिन I सधैँ विभिन्न संघ संस्थामा महिला लाई उपाध्यक्ष र कोषाघ्यक्षको रूपमा मात्र राखिने परम्परागत चलनलाई तोड़न र महिलाहरू पनि हरेक पदको निम्ति सक्षम छन् भन्ने सन्देश दिनु ज़रूरी छ I आफ्नो अभिव्यक्ति सहित उनी आफूले आदिवासी जनजातिको आन्दोलनमा महत्त्वपूर्ण योगदान दिएको तामाङले दाबी गरिन् ।
अहिलेसम्मको निरन्तर सक्रियताले गर्दा आफूलाई सबैले सहयोग गर्नेमा विश्वस्त रहेको समेत उनले बताएकी छिन् ।
प्रतिक्रिया