मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपालका विश्व चर्चित आँखा चिकित्सक डा सन्दुक रोहितलाई भारतको सर्वोच्च पुरष्कार

नेपालका विश्व चर्चित आँखा चिकित्सक डा सन्दुक रोहितलाई भारतको सर्वोच्च पुरष्कार


हिमालयखवर संवाददाता
काठमाडौँ- नेपालका विश्व चर्चित आँखा डाक्टर सन्दुक रोहितले भारतको सबैभन्दा ठुलो पद्यश्री पुरष्कार पाएका छन् । भारत सरकारले बिहीबार सार्वजनिक गरेको उक्त देशकै सबैभन्दा ठुलो पुरष्कार पाउने ८५ जनाको सुचीमा डा रोहितपनि छन् । पद्य पुरष्कार पाउनेमा रोहित सहित १६ जना विदेशी छन् ।
 
डा रोहितलाई चिकित्सा विद्यामा मा आँखा सम्बन्धी उपचार क्षेत्रका लागि उक्त पुरष्कार दिइएको हो ।  डा रोहित नेपाल लगायत अमेरिका, सिंगापुर, लाओस्, आउँदी अरेबिया, म्यानमार, ब्रुनाई रसियाका नागरिकले पनि उक्त पुरष्कार पाएका छन् । पुरष्कार पाउनेमा विदेशमा बस्ने भारतीय, १४ जना महिला छन् । 
 
रोहित काठमाडौँ स्थित तिलगंगा आँखा अस्पतालसँग आबद्ध छन् । यो अस्पतालले उत्पादन गर्ने आँखामा राख्ने लेन्स संसारभर गुणस्तरका लागि प्रसिद्ध छ । आँखामा लाग्ने रोग जसले आँखा बन्द हुन्छ जलविन्दु, मोती वन्दुको सस्तोमा सर्जरी गर्ने क्षेत्रमा रोहित विश्वभर चर्चित छन् । उनले कयौँ आँखा नदेख्नेलाई उपचार द्धारा देख्ने बनाएका छन् ।
 
अमेरिकामा समेत डा रोहित र उनको कार्यलाई सम्मानका साथ हेरिन्छ । एक वर्ष अघि डा रोहितका बारेमा विश्वकै चर्चित पत्रिका द न्यूयोर्क टाइम्सले फिचर लेखेको थियो ।
 
यो पुरष्कार प्रत्यक वर्ष भारतका राष्ट्रपति द्धारा राष्ट्रपति भवनमा आयोजित विशेष कार्यक्रममा प्रदान गरिन्छ । 
 
पद्य पुरष्कार भारतको सबैभन्दा ठुलो पुरष्कार मध्ये एक भएको भारतको गृहमन्त्रालय द्धारा जारी प्रेस नोटमा उल्लेख छ । प्रेस नोट अनुसार यो पुरष्कार पद्य बिभूषण, पद्य भुषण, पद्यश्री तीन श्रेणीमा प्रदान गरिन्छ ।
 
यो पुरष्कार कला, सामाजिक कार्य, लोककार्य, विज्ञान एवं इन्जिनियरिगं, व्यापार एवं उद्योग, चिकित्सा, साहित्य एवं शिक्षा, खेल समाजसेवा लगायतका विषयका लागि प्रदान गरिन्छ । यी क्षेत्रमा असाधारण र विशिष्ठ योगदान दिनेलाई यो पुरष्कार प्रदान गरिने प्रेस नोटमा उल्लेख छ । 
 
पद्य श्री कुनै पनि क्षेत्रमा विशिष्ठ सेवनाका लागि प्रदान गरिन्छ । भारतको गृहमन्त्रालयका अनुसार उक्त पुरष्कारका लागि १५ हजार ७ सय आवेदन आएका थिए । यो पुरष्कार पाउने डा रोहित पहिलो नेपाली भने होइनन् ।