अलास्का । उत्तर अमेरिकी राज्य अलास्कामा मंगलबार ८.२ म्याग्निच्यूडको शक्तिशाली भूकम्प गएको छ ।
अमेरिकी भौगर्भिक विभाग (यूएसजीएस)ले भूकम्पका कारण सुनामी आउनसक्ने बताउँदै अमेरिकाको पश्चिमी सामुद्रिक क्षेत्र तथा हवाई क्षेत्रमा सुनामीको सम्भावित प्रभावबाट जोगिन नागरिकलाई विशेष सावधानी अपनाउन भनेको छ ।
अलास्काको कोडियक क्षेत्रबाट ३०० किलोमिटर दक्षिण–पूर्वमा सामुद्रिक सतहबाट करिब १० किलोमिटर गहिराइमा उक्त भूकम्पको केन्द्रविन्दु रहेको विभागले जनाएको छ ।
उत्तर–पश्चिमी प्यासिफिक सुनामी सचेतना केन्द्रले पनि भूकम्पपछिको प्रारम्भिक अनुसन्धानपछि भूकम्पप्रभावित क्षेत्रमा ‘खतरनाक तथा विशाल सुनामीका छाल’ आउने बताएको छ ।
उक्त क्षेत्रका नागरिकलाई जमिनका अग्ला सतहमा गइ शरण लिन निर्देशनसमेत गरिएको छ ।
यद्यपि, भूकम्पका कारण अहिलेसम्म क्षतिको विवरण भने प्राप्त भएको छैन । रासस/एएनआई
प्रतिक्रिया