हिमालयखवर संवाददाता-
केन्टकी(अमेरिका)- केन्टकी राज्यको एउटा हाई स्कुलमा मंगलवार बिहानै गोली चल्दा दुई जना विद्यार्थीको मृत्यु भएको छ ।
मार्शल काउंटी हाई स्कुलमा मंगलवार स्कुल सुरु हुनै लाग्दा बिहान ९ बजे उक्त घटना भएको हो । गोलीबाट दुई जना बालबालिकाको मृत्यु भएको र १७ जना घाइत भएको त्यहाँका गभर्नर म्याट विभिनले पत्रकार सम्मेलनमा जानकारी दिएका छन् ।
उक्त घटनामा संलल्न भएको आंशकामा एक जना १५ वर्षका विद्यार्थीलाई प्रहरीले हिरासतमा लिएको छ । उनलाई हत्या र हत्याको प्रयास गरेको आरोप लगाइएको गभर्नरले जानकारी दिएका छन् । मृत्यु हुने विद्यार्थीमा एक जना बालक र अर्का बालिका हुन् । दुवैको उमेर १५ वर्ष रहेको छ । घाइते अन्य विद्यार्थीको अवस्थाका बारेमा प्रहरीले कुनै जानकारी दिएको छैन ।
प्रहरीका अनुसार घटनामा संलग्न आरोपी ह्याण्ड गन लिएर स्कुल आएका थिए । उनले ८ बजेर ५७ मिनेट जाँदा गोली चलाएका थिए ।
गोली चलेपछि त्रसित कयौँ विद्यार्थीहरू स्कुलबाट भागेका थिए । केही विद्यार्थी त एक माइल सम्म ज्यान बचाउन भागेका थिए । यसरी भाग्दै विद्यार्थीहरू मेकडोनाल्ड भित्र शरण लिन पुगका थिए । प्रत्यक्षदर्शीहरुका अनुसार त्यहाँ उनीहरू निकै आत्तिएका थिए । घटना भए लगत्तै प्रहरी स्कुलमा पुगेर घटनास्थललाई नियन्त्रणमा लिएको थियो । यो घटनाबाट आत्तिएका अभिवाभक पनि त्यहाँ आफ्नो छोरी छोरीलाई लिन पुगको स्थानीय संचारमाध्यमले जनाएका छन् ।
उक्त घटनामा एक विद्यार्थीको घटनास्थलमै र अर्का विद्यार्थी अस्पतालमा निधन भएको हो । घाइतेमा विशेष सेवा चाहिने १७ वर्षका विद्यार्थी ड्यानियल अस्टिन पनि छन् । उनलाई दाहिने पाखुरामा गोली लागेको हुदां अस्पताल लगिएको थियो । उनका अभिवाभक यो सुनेपछि आत्तिँदै अस्पताल पुगेका थिए ।
सामान्य सानो सहरमा यस्तो घटना किन भयो यो खुलेको छैन । तर, गभर्नरले आफू स्तब्ध भएको बताएका छन् । दुई दिनमा दुई स्थानका स्कुलमा गोली चलिसकेको छ । सोमवार पनि टेक्ससको इटली सहरमा यस्तै गोली काण्डमा एक १५ वर्षीय विद्यार्थी घाइते भएकी थिइन । उनलाई उपचारका लागि डलास ल्याएईएको छ । यस घटनामा १६ वर्षीय एक किशोर विद्यार्थी संलग्न थिए । किन ती किशोरले गाली चलाए कारण अझै खुलेको छैन । फोटो: सामाजिक संजाल
प्रतिक्रिया