अमेरिका– टेक्ससको अर्बिंग स्थित अपार्टमेण्टमा शुक्रवार भीषण भएको आगलागीमा नेपाली बसोबास गर्ने २ वटा अपार्टमेण्टपनि परेका छन् । तर, त्यहाँ बसोबास गर्ने ५ जना नेपाली सकुशल रहेको उनीहरूलाई भेटेर सहयोगका लागि प्रस्ताव गरेका नेपाली समाज टेक्सस (एनएसटी)का अध्यक्ष सुमन थापाले जानकारी दिए ।
शुक्रवार बिहान वाटररिटड्ज स्थित पायोनियर पार्कवेमा भएको उक्त आगलागीमा करिब २० वटा अपार्टमेण्ट ध्वस्त भएको स्थानीय सरकारी अधिकारीले जनाएका छन् ।
शुक्रवार साँझ एनएसटी अध्यक्ष थापा लगायतले उक्त अपार्टमेण्टमा पुगेर नेपालीको बारेमा सोधखोज गरेका थिए । हामीले त्यहाँ बस्ने पाँच जना भट्यौं र सोध्दा उहाँहरूको अपार्र्टमेण्ट ध्वस्त भएको रहेछ थापाले भने अरू थप नेपाली प्रभावित भए नभएको जानकारी आएको छैन सायद नभएर होला ।
एनएसटीले आवश्यक सबै सहयोग गर्न तयार रहेको हामीले उहाँहरूलाई प्रस्ताव राख्यौँ थापाले भने उहाँहरूलाई बस्ने समस्या रहेनछ आवश्यक परे भन्छौँ भन्नुभएको छ ।
माथिल्लो तलामा भएका एक नेपाली परिवारको पुरै अपार्टमेण्ट जलेको छ । तर, आगलागीको बेला त्यहाँ भएका नेपाली आफ्ना महत्त्वपूर्ण कागजात लिएर सुरक्षित स्थानमा जान सफल भएका थिए । एउटा अपार्टमेण्टमा बस्नेको बिमा समेत भएको हुदां समस्या नहुने भएको छ ।
उक्त आगलागीमा कोही पनि घाइते भएनन् । खाली त्यहाँ बस्ने करिब ४० जना वेघर हुन परेको स्थानीय अधिकारीले जनाएका छन् । अपार्टमेण्ट व्यवस्थापन पक्षबाट पनि समस्या पर्नेलाई सहयोग दिइएको जनाइएको छ ।
स्थानीय रेडक्रसले पनि अत्यावश्यक समाग्री वितरण गरेको स्थानीय संचारमाध्यमले जनाएका छन् ।
प्रतिक्रिया