ड्यालस (टेक्सस) – ड्यालस एभरेष्ट लायन्स क्बलको आयोजनामा आइतबार नेपाली मन्दिरमा आयोजना गरिएको आँखा शिविरबाट ५९ जनाले लाभ लिएका छन् ।
लायन्स साइट एण्ड टिस्यु फाउण्डेसनको सहयोगमा भएको उक्त आँखा शिविरमा आँखाको परिक्षण, चस्मा जाँच, चस्मा समेत उपलव्ध गराइएको थियो । शिविसरमा एभरेष्ट लायन्स क्लबका अध्यक्ष बिएन पन्त, पूर्ब अध्यक्ष राधाकृष्ण काफ्ले लगायतका पदाधिकारीहरु खटेर सेवा पु¥याएका थिए ।
एभरेष्ट लायन्स क्लबले नेपाली समुदायलाई सेवा पु¥याउने उद्वेश्यले समय समयमा आँखा शिविर आयोजना गर्दै आएको छ । बिशेषगरि आँखाको बीमा सुविधा नभएकाले यसबाट निकै फाइदा लिँदै आएका छन् ।
आइतबारको आँखा शिविरमा वृद्धवृद्धादेखि लिएर युवा, बालबालिकाको आँखा जाँच गरिएको थियो । त्यसका लागि प्रविधि सहितको गाडीनै लायन्स क्लबले ल्याएको थियो ।
प्रतिक्रिया