हिमालय खबर संबाददाता
लण्डन- नेपालको चितवनमा सुनचाँदी पसल सञ्चालन गर्दै आएका एक जना नेपालीले आफ्नो सुनचाँदी पसललाइ बेलायतको लण्डनसम्म बिस्तार गरेका छन् ।
३३ वर्ष अघि आफना हजुरबुबाले खोलेको जय सन्तोषी माँ सुनचाँदी पसललाइ नाति रुविन रामुदामुले लण्डनसम्म बिस्तार गरेका हुन ।
रुविनका अनुसार, चितवनमा केन्द्रित जय सन्न्तोषी माँ सुनचाँदी पसलका नेपालमा नै तीनवटा शाखा छन् भने हालै लण्डनमा चौथों शाखा खोलीएको छ ।
आफना हजुरबुबाले सुरु गर्नु भएको सुनचाँदी व्यवसायलाई बाबु इश्वरलाल रामुदामुले निरन्तरता दिएको र आफूहरू त्यसको बिस्तार गर्दै लण्डनसम्म पुगेको रुविनले हिमालय खबरलाई बताए ।
रुविन लण्डनबाटै व्यवस्थापनमा स्नातोकोत्तर गरेका व्यक्ति हुन । लण्डनबाट व्यवस्थापनमा स्नातोकोत्तर गरे पनि रुविनले आफ्नो पुख्यौली पेसालाई नै अँगाल्न र अगाडी बढाउन चाहे । नेपाल फर्केर सुनचाँदी व्यवसायमा नै दिन रात तल्लीन रहे । धेरै मेहनत गरे । अहिले लण्डनमा खोलीएको चौथो शाखा, उनकै मेहनतको परिणाम हो ।
लण्डनमा खोलीएको शाखाको उदघाटन गर्न उनले कुनै नेता वा सरकारी अधिकारीलाई बोलाएनन । आफना बाबु इश्वरलाल रामुदामुलाइ नै रिवन काटन लगाए ।
लण्डन शाखा दाइ दिपेन्द्र रामुदामुले हेर्ने र आफू नेपालमा नै बसेर अरू शाखा बिस्तार गर्ने योजनामा रुविन छन् । लण्डनमा बढी नेपाली बस्ती भएको ठाउँमा नेपाली गरगहनाको आवश्यकता महसुस गरेर त्यहाँ शाखा बिस्तार गरिएको उल्लेख गर्दै रुविनले भने –व्यवसायलाई अरू बिस्तार गर्ने योजना छ ।
प्रतिक्रिया