हिमालयखवर संवाददाता
ह्युस्टन (अमेरिका) – गत साताको बिहिबारको दिन अर्थात २६ अक्टोबर । नेपाली समुदायको लागि खुशी र गौरब दुबै बनेर आयो ।
विगत तीन वर्षदेखि नेपालीहरुको आफ्नै सामुदायिक केन्द्र र मन्दिर बनाउने संकल्पले मूर्तरुप पाएको त्यो दिन । ८.२ एकर जग्गा र त्यसमा भएको प्यागोडा शैलीको स्यानो पशुपति मन्दिर र अर्को एउटा भवन नेपाली समुदायको लागि अधिग्रहण गर्ने कार्य सम्पन्न भयो ।
ह्युस्टनको कॢष्ण प्रणामी फाउण्डेसनसँग ३ लाख ५० हजार डलरमा खरिद गरिएको उक्त भौतिक सम्पत्तिमा अब ग्रेटर ह्युस्टनका नेपालीहरुको अपनत्व स्थापित भएको छ ।
नेप्लिज एशोसिएसन अफ ह्युस्टनको सक्रियतामा यहाँको नेपाली समुदायले प्राप्त गरेको यो उपलब्धी जति उत्साहप्रद छ, सामुदायिक केन्द्र र पशुपतिनाथ मन्दिरको निर्माण सम्पन्न गर्ने काम त्योभन्दा चुनौतिपुर्ण मानिएको छ ।
.JPG)
तर जग्गा र त्यहाँको भौतिक संरचना खरीद गर्दा जुन अग्रसरता नेप्लिज एशोसिएसन र यहाँको नेपाली समुदायले प्रदर्शन गर्यो त्यसले दोश्रो चरणको कार्ययोजना पनि आशातितरुपमा सफल हुन्छ भन्ने विश्वास गरिएको छ ।
उक्त जग्गा खरीदकालागि नेप्लिज एशोसिएसन अफ ह्युस्टनले दिनकर अमात्यको संयोजकत्वमा विष्णु नेपाल, चन्द्रकान्त शर्मा, ज्ञानेश्वर श्रेष्ठ र रविन श्रेष्ठ रहेको जग्गा अधिग्रहण समिति नै बनाएको थियो ।
उक्त समितिलाई मधुकर अमात्य, ज्योति घिमिरे लगायत एशोसिएसनका अन्य पदाधिकारीहरुको उल्लेख्य सहयोग रहेको थियो । ग्रेटर ह्युस्टनका आम नेपालीको अपनत्व हुने पशुपति मन्दिर र सामुदायिक केन्द्रमा सभागृह, पुस्तकालय, भोजनालय र धार्मिक एवम् सांस्कॢतिक पर्वहरु आयोजना गर्नसकिने संरचना निर्माण हुनेछ ।
.JPG)
यहीं जन्मिएका नेपालीहरुलाई यसले नेपाली भाषा , संस्कॢति र आफ्नो परम्परा बुझ्न ठूलो सहयोग पुग्ने विश्वास गर्छन् एशोसिएसनका अध्यक्ष ज्योति घिमिरे ।
बॢहत भेलाको आयोजना
नेप्लिज एशोसिएसनको अग्रसरतामा सामुहिक प्रयासपछि प्राप्त भएको उपलब्धीको अवसरमा एशोसिएसनले आगामि नोभेम्बर १२ तारिख आइतबार पशुपति मन्दिर परिशरमा बृहद भेलाको आयोजना गर्दैछ ।
त्यहाँ अहिलेसम्मको प्रयास, उपलब्धी र आगामी कार्ययोजना बारे समुदायसँग छलफल हुने बताइएको छ । यसै सम्बन्धमा एनएएचका महासचिव विष्णु नेपालले नोभेम्बर १२ मा कार्यक्रमस्थलमा उपस्थित भएर खुशी बाढ्न र भावी कार्यदिशा तयार पार्ने कार्यमा सहयोग पुर्याउन ग्रेटर ह्युस्टनका सबै नेपालीहरुलाई आह्वान गरेका छन् ।
पशुपति मन्दिर र नेपाली सामुदायिक केन्द्रको निर्माण सम्पन्न गर्न ठूलै खर्च लाग्ने र त्यसमा खटिनेहरुले आफ्नो समय र लगनशीलता उत्तिकै दिनुपर्ने हुन्छ । समुदायकालागि गरिने यस्तो कार्य स्वंयमसेवी हुन्छ । ह्युस्टनका नेपालीहरुमा त्यो सामाजिक भाव र सक्रियता पक्कै बलियो छ । समयमै सम्पन्न भएको जग्गा अधिग्रहणले यो प्रमाणित गरिसकेको छ ।
प्रतिक्रिया