मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

राष्ट्रपति ट्रम्पद्वारा डिभी बन्द गर्ने संकेत

राष्ट्रपति ट्रम्पद्वारा डिभी बन्द गर्ने संकेत


हिमालयखवर संवाददाता
वासिङटन डिसी (अमेरिका) – अमेरिकी राष्ट्रपति डोनाल्ड जे ट्रम्पले बहुचर्चित डिभी चिठ्ठा बन्द बन्द गर्ने घोषणा गरेका छन् ।
 
बुधबार बिहानै ट्विट गर्दैै डिभी कार्यक्रमको सुरुवात गर्ने चक स्कम्बर उपर व्यंग्य समेत गरेका छन् ।
 
ट्रम्पले ट्विटरमा लेखेका छन्–‘आतंकवादीहरु हाम्रो देशमा आउने माध्यम, जसलाई डिभी चिठ्ठा भनिन्छ । यो चक स्कम्बरको सुन्दरता हो । म अब मेरिटको आधारमा चाहन्छु ।’
 
सन् १९९० मा डिभी कार्यक्रम सुरु हुँदा स्कम्बर त्यसको मुख्य योजनाकार थिए । स्कम्बर त्यतिखेर हाउस अफ रिप्रेजेटेन्टिभमा सदस्य थिए । 
 
ट्रम्पले लगत्तै अर्को ट्विट गरेर डेमोक्रेटिकले सुरु गरेको डिभी चिठ्ठा कार्यक्रम अब नरहने, बन्द गर्ने उल्लेख गरेका छन् । 
 
न्यूयोर्कमा मंगलबार भएको आतंकवादी आक्रमणबाट आठ जनाको निधन भएको छ । त्यो आक्रमणका मुख्य दोषी रहेका साइफुल्लो साइपोभ उज्वेकिस्तानबाट आएका थिए । उनी डिभी मार्फत अमेरिका आएका थिए । 
 
डिभी मार्फत अमेरिका आएको व्यक्ति आतंकवादी आक्रमणमा संलग्न भएको पुष्टी भएपछि राष्ट्रपति ट्रम्पले डिभीनै बन्द गर्ने जनाएका हुन् । डिभी कार्यक्रम डेमोक्रेटले सुरु गरेको जनाउँदै रिपब्लिकनले त्यसलाई रद्ध गर्नुपर्ने प्रस्ताव धेरै पहिलेदेखि गर्दैै आएका हुन् । 
 
अमेरिकामा विविधिकरण गर्ने उद्वेश्यले हरेक वर्ष संसारभरिबाट ५० हजार व्यक्तिलाई डिभी मार्फत भित्राउने गरिन्छ । यो कार्यक्रमबाट अमेरिकामा हजारौँ नेपालीहरु आइसकेका छन् ।
 
ट्रम्पको डिभी बन्द गर्ने ट्विटलाई डेमोक्रेटिक सभासदहरुले विरोध जनाएका छन् ।