मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ट्युटर क्लबको पहिलो व्याच समापन

ट्युटर क्लबको पहिलो व्याच समापन


हिमालयखवर संवाददाता
ड्यालस (अमेरिका)– मञ्चमा गएर बोल्नुपर्दा अहिलेपनि धेरै वयष्कहरुका खुट्टा लुगलुग काम्ने गर्छ । भरसक बोल्नै नपरिदिए पनि हुन्थ्यो भन्नेमा धेरैजना देखिन्छन् ।
 
तर, आइतबार ड्यालसमा भरखरै ६-७ देखि १२-१३ वर्षको उमेरमा हिँडिरहेका बालबालिकाहरुले बोलेको देखेर धेरैले अचम्म पनि मानेका छन् । ६ वर्षका बालबालिकाहरुले समेत मञ्चमा गएर आफ्नो भविष्यको योजना के छ भनेर धक नमानी फरररर बोलेको देख्दा अभिभावकहरुनै अचम्ममा परे ।
 
बालबालिकाहरुको व्यक्तित्व विकास र उनीहरुको बोल्ने शैली सुधार गर्नका लागि ट्युटर क्लब युएसएले आयोजना गरेको तालिम समापनमा बालबालिकाहरुले सबैलाई चकित पार्दै आफु को हुँ र आफ्नो भविष्यको योजना के छ भनेर सम्म भन्न भ्याए । 
 
बालक अग्रीम अर्यालले आफु सन् २०२३ मा हाइस्कूल र २०२७ मा कलेजबाट ग्राजुएट भएपछि अन्तरिक्ष विज्ञानको क्षेत्रमा काम गर्ने लक्ष्य रहेको बताए । उनले सन् २०३० को मंगलग्रहमा पठाइने अन्तरिक्षयानमा आपूm पनि संलग्न हुने लक्ष्य रहेको बताउँदा सहभागीहरुको तालीले हल गुन्जिएको थियो । 
 
अर्का बालक उत्सब लामिछानेले मञ्चमा गएर निर्धक्क भाषण गरेको सुनेर उनका पिता एवं एनआरएन टेक्सस च्याप्टरका अध्यक्ष उत्तम लामिछानेले अचम्म मान्दैथिए । 
 
अधिकांश बालबालिकाहरुले आफ्नो रुची कम्प्युटर साइन्स र सेरोफेरोकै विषयहरुमा रहेको बताएका थिए । युटुब भिडियो गेमिङदेखि लिएर डाक्टर हुने, शिक्षक हुने लक्ष्य रहेको उनीहरुले बताए ।
 
हरेक आइतबार दिनको दुई घण्टाको दरले पाँच सातासम्म तालिम सञ्चालन गरिएको थियो । तालिमको पहिलो ग्रुपमा सहभागी १८ जनालाई आइतबार समापन सहित प्रमाणपत्र वितरण गरिएको छ । दोस्रो ग्रुपको समापन दुई सातापछि हुँदैछ । दोस्रो ग्रुपमा १८ जना सहभागीहरु छन् ।
 
‘हामीले नाफामुलक ढंगले भन्दा पनि बालबालिकाको वृहत्तर व्यक्तित्व विकासका लागि भनेर यो कार्यक्रम सञ्चालन गरेका हौँ,’ ट्युटर क्लबका एकाडेमिक रिलेसनसिप मेनेजर जीवन घिमिरेले भने । आगामी दिनमा गणितलाई सहज र सरल रुपमा कसरी बुझाउने भन्ने विषयमा पनि यस्ता तालिम कक्षाहरु सञ्चालन गर्दै जाने योजना रहेको उनले जानकारी दिए ।