हिमालयखवर संवाददाता
लण्डन- बेलायतको पश्चिम लण्डन स्थित एक २७ तले आवास भवनमा भीषण आगलागी भएको छ । उक्त आगलागी नियन्त्रण्मा लिन करिब ४० दमकल र २ सय अग्निनियन्त्रक परिचालन गरिएको छ । उद्दारकर्ताहरुले उक्त भवन भित्र रहेकालाई सुरक्षित निकाल्न प्रयास गरिरहेको नर्थ किगंस्टोन स्थित लण्डन फायर बिग्र्रेडले जनाएको छ ।
लण्डनको ल्याङकेस्टर वेस्ट स्टेटको ग्रेनफेल टावरमा स्थानीय समय अनुसार राति १ बजेर १६ मिनेटमा सुरु भएको थियो । त्यस बेला अधिकांश सुतिरहेका थिए । ४ बजेसम्म पनि उद्दारकार्य जारी रहेको बीबीसीले प्रत्यक्षदर्शीहरुलाई उदृत गर्दै समाचार दिएको छ ।
२७ तल्ले उक्त भवनमा दोस्रो तल्ला देखि माथि सम्म अनियन्त्रित रूपमा आगोको ज्वाला फैलिएको बीबीसीले जनाएको छ । कुनै पनि वेला उक्त भवन ढल्न सक्ने सम्भावना रहेको बताइएको छ ।
प्रत्यक्षदर्शीलाई उदृत गर्दै अर्को संचारसंस्था सीएनएनले आगोको ज्वालावाट बच्न केही व्यक्तिहरूले झ्यालवाट समेत हाम फालेको उल्लेख गरेको छ ।
यो आगलागी कसरी भयो र के कति हाताहात भएको यसको विवरण आउन बाँकी छ । केही घाइतेको स्थानीय अस्पतालमा उपचार भइरहेको प्रहरीले जनाएको छ । फोटो साभर: सिएनएन
प्रतिक्रिया