हिमालयखवर संवाददाता-
न्यूयोर्क । नेपालको विविधताका वारे जानकारी दिन विश्वकै ठुलो शहर न्यूयोर्कमा आइतवार नेपाली डायोस्पोरा नेपाल डे परेडमा सहभागी भएका छन् ।
न्यूयोर्कको ३८ स्ट्रिट म्याडिसन एभिन्युवाट शुरु भएको यो परेड २६ स्ट्रिटमा पुगेर समापन हुनेछ । नेपालका हिमाल, पहाड र तराईको भेषभुषा, संस्कृति झल्काउने पहिरन झांकीले परेडलाई रोचक वनाएको न्यूयोर्क स्थित पत्रकार विष्णु पौडेलले जानकारी दिए ।
परेडमा अमेरिका भ्रमणमा रहेका उद्योगमन्त्री नविन्द्रराज जोशी, राजदुत डा अर्जुनकुमार कार्की, कुटनीतिक नियोगका पदाधिकारी देखि न्यूयोर्क लगायत विभिन्न स्थानमा वस्ने नेपाली समुदायको सहभागिता छ ।
करिब ५ हजारभन्दा वढी नेपाली परेडमा सहभागी भएका छन परेडमा हिंडिरहेका पौडेलले भने परेडमा समुदायको निकै ठुलो उत्साह देखिएको छ यसलाई यहाँका विदेशीले रोचक मानेर हेरेका छन् ।
हिमाली क्षेत्रको बौद्ध लामा संस्कृति, पहाडमा पशुपति मन्दिर, भजन चुड्का, रोईला, लगायत विभिन्न जनजातीका झांकीहरु परेडमा देखाईएको छ । न्यूयोर्कमा नेपाली समुदायले आयोजना गरेको परेडको यो दोस्रो संस्करण हो । परेड संयोजक मंगलदास श्रेष्ठले संक्षिप्त वक्तव्यपछि परेड शुरु भएको हो ।
प्रतिक्रिया