तामाङ सोसाइतटी अफ अमेरिकाको आयोजनामा गत जनवरी २७, २०१७ मा प्रथम ऐतिहासिक उत्तर अमेरिका तमाङ सम्मेलन को तयारी बैठक अध्यक्ष शान्तबाबु थोकरको अध्यक्षतामा सम्पन्न भएको थियो ।
उक्त तयारी बैठकमा क्यानडा लगायत अमेरिका भरीका तामाङ संघ-संस्थाको प्रतिनिधि एंव विभिन्न ब्यक्तित्वहरुको उपस्थिति रहेको थियो । भेलाले तमाङ सोसाइटी अफ अमेरिकाको वर्तमान अध्यक्ष शान्तबाबु थोकरको सन्योजकत्वमा २५ सदस्य तदर्थ समिति गठन गरी आगामी मे २१,२२ २०१७ मा सम्पन्न गरिने निर्णय गरेको थियो I तर पर्याप्त समय नभएको कारण गत अप्रिल ९ आइतबार संयोजक शान्ताबाबु थोकर को अध्यक्षतामा बसेको कन्फ्रेन्स बैठक ले आगामी सेप्टेम्बर २ र ३ २०१७ मा अमेरिकाको न्यु योर्क शाहरमा सांस्कृतिक कार्यक्रम (डम्फु साँझ) सहितको प्रथम उत्तर अमेरिका तमाङ सम्मेलन भब्यत्तको साथ सम्पन्न गरिने गरी विभिन्न उप समितिहरू गठन गरियो । सम्मेलन मा नेपाल लगायत अन्य देशका तामाङ संघ संस्थाका प्रतिनिधि एवम् तमाङ व्यक्ति ब्यक्तित्वहरुलाई अतिथिको रूपमा आमन्त्रन गरिनेछ ।
३ तीन दिने उक्त्त सम्मेलनमा पहिलो दिन उद्घघाटन सत्रमा उत्तर अमेरिका तमाङ संस्थाको विषयमा र तमाङ भाषा धर्म र संस्कृतिको विषयमा सम्बन्धित क्षेत्रका बिज्ञहरुलाई आमन्त्रन गरी छलफल गरिने र दोस्रो दिन अधिवेशन सम्पन्न गरी उत्तर अमेरिकी तमाङ संस्थाको कार्यसमिति चयन गरिनेछ र सोही दिन बेलुकी सास्कृतिक कार्यक्रम (डम्फु साँझ ) आयोजना गरिनेछ र तेस्रो दिन ४ तारिखमा प्रतिनिधि एवम् पाहुनाहरुको बिदाइ कार्यक्रम गरिने कुरा तमाङ सोसाइटी अफ अमेरिकाको अध्यक्ष एंव उत्तर अमेरिका तामाङ सम्मेलनका संयोजक शान्त बाबु थोकर ले जानकारी गराउनु भयो ।
प्रतिक्रिया