लन्डन । बेलायत सरकारले युरोपियन युनियन (ईयू) बाट बेलायतको बहिर्गमन हुने प्रक्रियालाई औपचारिक रूपमा यही मार्च २९ गते सुरु गर्ने जनाएको छ ।
बहिर्गमन प्रक्रियालाई औपचारिक रूपमा यही मार्च २९ मा सुरु गरी कम्तीमा दुई वर्षभित्र बहिर्गमनका मह¤वपूर्ण मुद्दाहरूलाई छलफलद्वारा टुङ्ग्याइने लक्ष्य तय गरेको ईयूका लागि बेलायतका राजदूत टिम ब्यारोले युरोपियन काउन्सिलका अध्यक्ष डोनाल्ड टस्कसँगको भेटमा बताए ।
बेलायतकी प्रधानमन्त्री थेरेसा मेले लिसबन सम्झौताको धारा नं. ५० लाई कार्यान्वयनका लागि लैजान एक पत्रमार्फत् जानकारी गराउने राजदूत ब्यारोले बताए । यद्यपि पत्र परम्परागत चिठ्ठीका रूपमा आउने छ वा विद्युतीय सन्देशका रूपमा पठाइने छ भन्नेबारे भने प्रष्ट गरिएको छैन ।
हामी यस युगको बेलायती नागरिकका मह¤वपूर्ण मुद्दाका सीमाबारे सम्झौता गर्दैछौँ, ब्रेक्जिट प्रक्रियाका लागि सचिव डेभिड ड्याभिसले भने । सरकार आफ्नो दिशा (लक्ष्य)बारे प्रष्ट छ । सम्झौताले संयुक्त अधिराज्य (यूके) का सबै राज्य र क्षेत्रका साथसाथै सम्पूर्ण युरोपेली मुलुकसँगको सम्बन्धबारे प्रष्ट पार्नेछ ।
बेलायती प्रधानमन्त्री मेले मार्च २९ मा धारा नं. ५० कार्यान्वयन भएको घोषणा गरेसँगै प्रक्रियाको थालनी हुनेछ । ईयूले पनि बहिर्गमन प्रक्रिया सुरु गर्ने छलफल सुरु गर्न तयार रहेको बताएको छ । एपी
प्रतिक्रिया