सानफ्रान्सिस्को (अमेरिका)– पत्रकार रबिन्द्र मिश्रको पहलमा स्थापना भएको साझा पार्टीलाई सहयोग गर्न अमेरिकाको सानफ्रान्सिस्कोमा रहेका नेपालीहरुको भेला भएको छ ।
आइतबार भएको भेलाले नेपालको साझा पार्टीले मात्र समस्या समाधान गर्नसक्ने निष्कर्श निकाल्ने त्यसका लागि सहयोग गर्न प्रवासी नेपाली समुदायसँग आग्रह गरेको छ । ‘अहिलेका नेपालका दलहरुमध्य नयाँ भिजन भएको र गतिला व्यक्तिहरु देखिएकोले उहाँहरुबाट मातृभूमिका लागि केही हुन्छ कि आशाले गर्दा सहयोग गर्न हामी तत्पर भएका हौै,’ भेलाका सहभागी पुरुषोत्तम सुवेदीले हिमालय खबरसँग भने ।
सानफ्रान्सिस्को क्षेत्रका दुई दर्जन व्यक्तिहरु भेलामा उपस्थित थिए । ‘हामीले साझा पार्टीको शाखा र भातृसंस्था भन्दा पनि सहयोग गर्ने हिसाबले भेला भएका हाैँ,' अर्का सहभागी पृथ्बी उप्रेती भने ।
बिबिसीमा लामो समयसम्म कार्यरत मिश्रले दुई साता अघि नेपालमा नयाँ पार्टी गठन गरेका छन् । त्यसमा पूर्ब प्रशासकदेखि लिएर सामाजीक अभियन्ता, पत्रकारहरु सकृय छन् ।
प्रतिक्रिया