ड्यालस (टेक्सस) । युलेस नेपाली समाजले आउँदो फागु पूर्णिमाको दिन मार्च १२ तारिक आईतबार युलेसमा भव्य होली कार्यक्रम गर्ने भएको छ । पारिवारिक जमघट सहितको होली कार्यक्रममा सबै नेपालीलाई सहभागिताको लागि स्थानीय समाजसेवी टीका पौडेलले आग्रह गरेका छन् ।
‘यो कार्यक्रम एक आपसमा निकट बनाएर शुध्द मनोरञ्जनका लागि आयोजना गर्न लागेका हौ“,’ पौडेलले भने । फागु पूर्णिमाकै दिन परेकोले यस पटक अघिल्लो वर्षभन्दा भव्य हुने अनुमान गरिएको छ । यो विशुद्ध रुपमा पारिवारिक जमघट र मनोरञ्जनको लागि आयोजना गरिएको पौडेलले बताए ।
अमेरिकामा जन्मिएका र सानै उमेरमा अमेरिका आएर हुर्केका बालबालिकाहरुलाई समेत हिन्दू धर्मसंस्कृति बारे जानकारी समेत दिनका लागि समाजले होली कार्यक्रम गर्दै आएको छ । युलेसको ओकरिज पार्कमा दिउसो १ बजेदेखि सुरु हुने कार्यक्रममा सहभागी हुनेका लागि चर्च र अल्दीमा पार्किंग सुविधा रहेको छ ।
‘हामीले सात समुद्रवारि आएर पनि हाम्रो संस्कार बालबालिकालाई संस्कार सिकाउनका लागि यस्तो खालको कार्यक्रम गर्न जरुरी छ,’ स्थानीय समाजसेवी हरि थापाले भने । थापाको समूहले अमेरिकामा नेपालको मौलिक पञ्चैबाजा, भजन कृतन तथा झाकीहरु गर्दै आएका छन ।
कार्यक्रममा सहभागी हुनका लागि समाजसेवीहरु बासु श्रेष्ठ, छबी चापागाई, हरि विष्ट, दिनानाथ न्यौपाने, शिव अधिकारी, भानु खरेल, बाबुराम देवकोटा, बिमल श्रेष्ठ, शिव काप्ले, हरि थापा सँग सम्पर्क राख्न अनुरोध गरिएको छ । यो कार्यक्रममा सहभागीताको लागि कुनैपनि शुल्क तिर्नु नपर्ने पौडेलले बताए ।
कार्यक्रममा बच्चाहरूलाइ विशेष मनोरञ्जनात्मक बनाउने जिम्मा हरि बिष्टले लिएका छन् । त्यस्तै थप मनोरञ्जन दिनको लागि साउण्ड सिस्टमको जिम्मा पारस चाैधरीले लिएका छन् ।
प्रतिक्रिया