.jpg)
एकिकृत नमुना मुसहर बस्ती निर्माणका लागी सहयोग जुटाउन अष्ट्रेलिया पुगेका जोडि सितारम कट्टेल धुर्मुस र कुञ्जना घिमिरे सुन्तलीलाई अष्ट्रेलियाबाट १२ लाख सहयोग रकम प्राप्त भएको छ । अष्ट्रेलियाको एडिलेटमा भएको एक डिनरबाट उक्त रकम संकलन भएको धुर्मुस सुन्तली फाउण्डेसनका अध्यक्ष सिताराम कट्टेलले बताए ।
मुसहर बस्ती निर्माणको सहयोगार्थ रकम संकलनका लागी अष्ट्रेलियाबाट उठेको यो दोश्रो ठुलो सहयोग रकम हो । फाउण्डेसनका अध्यक्ष कट्टेलले बताएअनुसार यो अनुमानित भन्दा ठुलो रकम संकलन भएको हो । हिजो अर्थात बिहिबार सांझ भएको फन्ड राईजिङ डिनरबाट १४ हजार ६ सय ५६ डलर नेपाली अन्दाजी १२ लाख ४५ हजार ७ सय ६० रुपैया सहयोग जुटेको हो । यो रकम एउटा डिनरबाट उठेको रकम हो फाउण्डेसनकी कुञ्जना घिमिरे सुन्तलीले भनिन् यसले झनै उत्साहित बनाएको छ । अष्ट्रेलियाको एडिलेटमा बसोबास गर्ने नेपालीहरु र भुटानी समुदायका नेपालीहरुले देखाएको उक्त सदाशयता प्रति धन्यबाद दिदै उनले सहयोग गर्न चाहने अष्ट्रेलियन बासिहरुलाई समपर्क गर्न पनि आग्रह गरेका छन् ।
फाउण्डेसनका अभ्यक्ष कट्टेलले सहयोगको लागी आफ्नो सम्पर्क नम्बर समेत उपलब्ध गराएका छन् । अष्ट्रेलिया नजिक अथवा जुनसुकै देशबाट पनि धुर्मुस सुन्तलीलाई अष्ट्रेलियाको सम्पर्क नम्बर ०४५२१५९८११ मा सम्पर्क गर्न सकिने छ । धुर्मुस सुन्तलीले बताएअनुसार सिधै सम्पर्कको लागी यो नम्बर उपलब्ध गराईएको हो । यसअघि पनि धुर्मुस सुन्तलीलाई अष्ट्रेलियाको सिड्नीमा भएको धुर्मुस सुन्तली सांझबाट १७ लाख रकम संकलन भएको थियो । मुसहर बस्ती निर्माणका लागी जुटेको सम्पुर्ण बिबरण धुर्मुस सुन्तली फाउण्डेसनको अफिसियल फेसबुक पेजमा अपडेट गरिने छ भने वेवसाईटमा पनि समाबेश गरिने छ ।
धुर्मुस सुन्तली हिजोको एडिलेटको डिनर पछि आजै मेलबर्न पुग्नेछन् । उननीहरुले बताएअनुसार जनवरी २९ मा मेलवर्नमा एक कार्यक्रमको आयोजना हुदैछ । उनिहरु त्यसै कार्यक्रममा सहभागी हुन त्यसतर्फ लागेका हुन् ।
प्रतिक्रिया