लोकप्रिय गायिका शर्मिला बर्देवाले लन्डनबाट एउटा नयाँ म्यूजिक भिडियो सार्वजनिक गरेकी छन् । आइतबार लन्डनमा आयोजित एक समारोहबीच नेपाल पत्रकार महासंघ बेलायतका संस्थापक अध्यक्ष नवीन पोखरेल, महासंघ बेलायतका पूर्व अध्यक्ष पत्रकार चिरन शर्मा र बर्देवाकी सुपुत्री अंशिका परियारले मेरो ठुम्कामा मर्छन् हजार…गीतमा बनेको म्यूजिक भिडियो सार्वजनिक गरेका हुन् ।
नृपेश उप्रेतीको शब्द रहेको मेरो ठुम्कामा बोलको गीतमा बसन्त सापकोटाको संगीत छ। भिडियो लन्डनका विभिन्न लोकेसनमा छायांकन गरिएको छ । जसको निर्देशन विजय घिमिरेले गरेका छन् । भिडियोमा घिमिरे र मोडल सारा देख्न सकिनेछ ।
कार्यक्रममा गायिका बर्देवाले विदेशमा रहेर क्रियसन गर्न गाह्रो भएपनि वर्षको एउटा म्यूजिक भिडियो दर्शकमाझ ल्याउने अठोट गरिन्।
प्रतिक्रिया