न्यूयोर्क (अमेरिका)- न्यूयोर्क शहरमा शनिवार साँझ विस्फोट हुँदा दुई दर्जन भन्दा वढी घाइते भएका छन् ।
विस्फोटका कारण कम्तिमा पनि २५ जनालाई अस्पताल भर्ना गरिएको न्यूयोर्क प्रहरी विभागले जनाएको छ । न्यूयोर्कको चेल्सी क्षेत्रमा भएको उक्त विस्फोटमा आतंककारी समुहको संलग्नता अहिलेसम्म पुष्टि भएको छैन ।
न्यूयोर्क प्रहरी कमिस्नर जेम्स वो निलले स्थानिय संचारमाध्यममा सडकमा विस्फोट भएको यो नियतवश गरिएको जनाएका छन् । न्यूयोर्क गभर्नर एण्ड्रू क्युमोले राज्यका पदाधिकारीहरु फेडरल र सीटीका अधिकारीहरुसँग मिलेर विस्फोटका वारेमा अनुसन्धान गरिरहेको जनाएका छन् । विस्फोटका कारण सार्वजनिक रेल सेवाका केही रुटपनि प्रभावित भएका थिए ।
उक्त विष्फोटन प्रेसर कुकर बम रहेको अनुमान गरिएको छ । प्रेसर कुकर बमभन्दा केही परसम्म जोडिएको तार समेत फेला परेको छ ।
मेयर विल डि वालसिओले यो जानाजान गरिएको कार्य जनाउँदै अहिलेसम्म आतंककारीको संलग्नता पुष्टि नभईनसकेको जनाएका छन् । उनले अस्पतालमा घाइतेको अवस्था समान्य रहेको जनाएका छन् । यो विस्फोेट कुन प्रकृतिको हो र असर पनि अहिलेसम्म पुष्टि भईसकेको छैन । यो विस्फोटको घटनापछि प्रहरीले त्यहाँ सुरक्षा वढाएको छ । यो घटनाका वारेमा ह्वाइट हाउसका अधिकारीहरुले राष्ट्रपति बाराक ओबामालाई पनि जानकारी गराएका थिए ।फोटो साभार:सामाजिक संजाल
प्रतिक्रिया