२०१८ मा रुसमा हुने विश्वकप फुटबल प्रतियोगिता अन्तरगत दक्षिण अमेरिकाको छनोट खेलमा अर्जेन्टिनाले चिलीमाथि २–१ को जित निकालेको छ ।
यो जितसँगै कोपा अमेरिकाको फाइनलमा पेनाल्टी सुटआउटमा ब्यहोरेको हारको बदला अर्जेन्टिनाले चिलीकै घरेलु मैदानमा लिन सफल भएको हो ।
छनोट चरण अन्तरगत राउन्ड अफ फाइभको भिडन्तमा एक गोलले पछि परेको अवस्थालाई उल्ट्याउँदै अर्जेन्टिनाले रसिया जाने सम्भवनालाई बलियो बनाएको छ ।
खेलमा ग्युटिरेजको गोलमा ११ औं मिनेटमा चिलीले लिएको थियो । २० औं मिनेटमा अर्जेन्टिनाका लागि पिएसजीका मिडफिल्डर एन्जेलि डी मारियाले गोल गर्दै खेललाई बराबरीमा ल्याए ।
त्यसको पाँच मिनेटमै अर्जेन्टिनाका लागि कप्तान लियोनेल मेसीको पासमा गाब्रियल मेर्काडोले गोल गर्दै खेललाई २–१ को अवस्थामा पुर्याए ।
पहिलो हाफमा लिएको २–१ को अग्रतालाई अर्जेन्टिनाले दोस्रो हाफमा पनि कायमै राख्न सफल भयो । दोस्रो हाफमा चिलीले खेलमा फर्कने प्रयास गरेपनि घरेलु मैदानमै नतिजा अर्जेन्टिनालाई सुम्पन बाध्य भयो ।
यो जितपछि अर्जेन्टिना पाँच खेलबाट ८ अंक बटुल्दै चौथो स्थानमा छ । त्यसैगरि पराजित चिली भने समान खेलबाट ७ अंकसहित सातौं स्थानमा छ ।
दक्षिण अमेरिकाबाट विश्वकपमा जानका लागि चिलीले १३ अंक बटुल्दै शीर्ष स्थान कब्जा गरेको छ ।
प्रतिक्रिया