चितवन, २ फागुन । बीपी कोइराला मेमोरियल क्यान्सर अस्पतालका अध्यक्ष डाक्टर भक्तमान श्रेष्ठविरुद्ध भ्रष्टाचारको मुद्दा दायर भएको छ ।
डा. श्रेष्ठ अघिल्लो कार्यकाल अस्पतालको कार्यकारी निर्देशक थिए । श्रेष्ठविरुद्ध १ करोड ६७ लाख ५७ हजार एक सय रुपैयाँ माग दाबी गरिएको छ ।
अख्तियार दुरुपयोग अनुसन्धान आयोगले श्रेष्ठविरुद्ध पदमा बहाल रहँदा पदीय जिम्मेवारीको दुरुपयोग गरी अवैध सम्पत्ति आर्जन गरेको भन्दै विशेष अदालतमा मुद्दा दायर गरेको हो ।
उनले अस्पतालमा सेवा प्रवेश गरेदेखि नै भ्रष्टाचार गरेको अख्तियारको ठहर छ । श्रेष्ठकी श्रीमती शिलु श्रेष्ठलाई पनि प्रतिवादी बनाइएको छ । डा. श्रेष्ठको नारायणी सामुदायिक अस्पतालमा लगानी छ ।
प्रतिक्रिया