महिला यौनांगको २१ वटा टुक्रा घरभित्र राखेको आरोपमा एकजना व्यक्ति पक्राउ परेका छन् । डेनमार्कका ती पुरुषाई दक्षिण अफ्रिकामा पक्राउ गरिएको हो ।
प्रहरीले बिहिबार ती मानिसलाई उनी बसेको घरबाटै पक्राउ गरेको छ । उनको घरबाट प्लास्टिकको झोलाभित्र फ्रिजमा राखिएको अवस्थामा महिलाको योनीका २१ वटा टुक्रा बरामद गरिएको छ ।
प्रहरकिा अनुसार ती व्यक्तिका घरमा विभिन्न चिकित्सा उपकरणका साथै मानिसलाई बेहोस पार्न प्रयोग गरिने चिजहरु पनि भेटिएका छन् ।
५८ वर्षका ती पुरुषको नाम खुलाइएको छैन । ती पुरुषबाट पीडित बनेकी एक महिलाले प्रहरीलाई खबर गरेपछि घटनाको खुलासा भएको हो । प्रहरीले ती व्यक्तिबाट पीडित भएका अन्य महिलालाई पनि उजुरी गर्न आग्रह गरेको छ ।
सोमबार ती व्यक्तिलाई अदालतमा उपस्थित गराइनेछ । उनीमाथि यौनिक आक्रमण गरेको अभियोग लागेको छ ।
उक्त व्यक्तिले महिलाहरुको योनी काटेर किन निकाल्ने गरेको हो भन्ने कारण भने खुलेको छैन । त्यस्तै ती २१ वटा टुक्रा २१ वटै फरक फरक महिलाका हुन् की होइनन् भन्ने पनि खुलेको छैन । ती मानिसले महिलाका योनीका टुक्रा कसरी निकालेका हुन् भन्ने पनि पत्तो लाग्न सकेको छैन भने ती जिवित वा मृत महिलाका योनीका टुक्रा हुन् भन्ने कुरा पनि प्रष्ट भएको छैन ।
स्मरण रहोस् ती ती डेनिस पुरुषले ब्लोम्फोन्टेन सहरमा बन्दुकको पसल संचालन गर्दै आएका छन् ।
प्रतिक्रिया