जिम्बाबेले भारतविरुद्धको ट्वान्टी ट्वान्टी क्रिकेटमा १० भारतलाई १० रनले हराएको छ ।
जिम्बाबेले प्रस्तुत गरेको १ सय ४६ रनको लक्ष्य पछ्याएको भारतले निर्धारित २० ओभरमा ९ विकेट गुमाउँदै १ सय ३५ रन मात्रै बनायो । भारतका रोविन उथप्पाले ४२, स्टुवार्ड बिन्नीले २४, सन्जु सामसोनले १९ तथा अक्षर पटेल र मुरली विजयले समान १३–१३ रनको योगदान दिए ।
जिम्बाबेका क्रेम क्रेमरले तीन विकेट लिए । यसअघि पहिले ब्याटिङ गरेको जिम्बाबेले निर्धारित २० ओभरमा ७ विकेट गुमाएर १ सय ४५ रन बनाएको थियो । जिम्बाबेका चामु चिबाबाले ६७, हमिल्टन मासकाजाले १९ तथा सेन विलियम्सले १७ रन बनाए ।
भारतका भुवनेश्वर कुमार र मोहित शर्माले दुई दुई विकेट लिए । जिम्बाबेसँग भारत पराजित भएपछि दुई ट्वान्टी ट्वान्टीको सिरिज एक एकको बराबरी भएको छ ।
प्रतिक्रिया