वाशिंगटन डिसी । फ्रान्समा भएको ८० किलोमिटर मन्ट ब्लांक दौडमा नेपालकी बहादुर छोरी मिरा राईले प्रथम स्थानमा हासिल गरेकी छिन् । उक्त दौड पुरा गर्दै नेपालको झन्डा फहराउँदै नेपाललाई बिश्व सामु अझ राम्रो परिचय दिएकी छिन् ।
नेपालको पूर्व क्षेत्रको पहाड घर भएकी राईले ८० किमि स्काई रनिङ (उचाई दौड)मा सबै प्रतियोगीलाई उछिन्दै प्रथम स्थान हासिल गरेकी हुन् । यस अगाडि पनि उनले हङकङमा भएको अल्टा ट्रायल दौड प्रतियोगितामा उपाधि जितेकी थिइन ।
मिरा राईले उक्त दौड १२ घण्टामा पुरा गरि पदक हात परेकी छिन् भने उक्त दौडमा ३० वटा राष्ट्रको सहभागी थिए । बिगतमा उक्त दौडमा इटाली, स्पेन तथा फ्रान्सको दबदबा रहेको भएता पनि उक्त दौडमा अस्ट्रेलिया, न्युजिल्याण्ड, चेक रिपब्लिक, जापान, पोल्याण्ड तथा अमेरिकाका प्रतिभाशाली खेलाडीहरुले आफ्नो प्रतिभा देखाएका थिए ।
मिरा राईले २०१४ को मुस्ताङ ट्रायल दौड, बफेलो स्टमपेड तथा अन्यमा जित हासिल गरिसकेकी छिन् । उनको दौडमा रुची भएकोले १४ बर्षको उमेरमा उनले पढाई छोडेकी थिइन् ।
प्रतिक्रिया