मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

खेलकुद   

लन्डन उत्रिए लगत्तै प्रशिक्षणमा नेपाली क्रिकेट टिम

लन्डन उत्रिए लगत्तै प्रशिक्षणमा नेपाली क्रिकेट टिम


तस्बिर साैजन्य : प्रशान्त कुँवर कान्तिपुर 
लन्डन, असार ९ – ट्वान्टी ट्वान्टी विश्वकप छनोट खेल्नुअघि नेपाली राष्ट्रिय क्रिकेट टोली लन्डनमा प्रशिक्षणमा व्यस्त भएको छ । स्थानीय समय साढे सात बजे हिथ्रो विमानस्थल उत्रिएको टोली सिधै मार्लेवोन क्रिकेट क्लब (एमसीसी), लर्डस् क्रिकेट ग्राउण्ड गएर प्रशिक्षण थालेको हो । सन् १७८७ मा स्थापित इंग्ल्याण्डको लोकप्रिय क्रिकेट क्लब एमसीसीको आफ्नै ग्राउण्ड लर्डस्लाई क्रिकेटको घर मानिन्छ ।
 
एमसीसी हेड अफ क्रिकेट जोन स्टेपहेन्सनले आफ्नो क्लब नेपालको ठूलो समर्थक र सहयोगी भएको जनाउँदै नेपाली क्रिकेट खेलाडीलाई लर्डस्मा स्वागत गर्न पाएकामा प्रसन्नता व्यक्त गरेका छन् । ‘नेपाली क्याप्टेन पारस खड्कालाई इमिरेट्स टी २० टुरमा पाउनु हाम्रा लागि भाग्यको कुरा थियो,’ स्टेपहेन्सनले भने, ‘मलाई आशा छ खड्कासहित अन्य खेलाडीहरु हाम्रो अन्तर्राष्ट्रियस्तरको सुविधाबाट लाभान्वित हुनेछन् ।’
 
आगामि ६ देखि २६ जुलाईसम्म आयरल्याण्ड र स्कटल्यान्डमा हुने आइसीसी वल्र्ड टी–२० छनोट प्रतियोगिता एवं जुलाई २९ र ३१ मा स्कटल्याण्डमा नेपाल र स्कटल्यान्डबीच हुने लिग क्रिकेट च्याम्पीयनसीपमा सहभागी हुन बुधबार विहान नेपाली टोली लन्डन आइपुगेको हो । नेपालले इंग्ल्याण्डका मिडलसेक्स्, ग्लोस्टरसायर, बाथ र फ्रि फरेस्टर जस्ता क्लवसंग अभ्यास खेल समेत खेल्ने कार्यक्रम छ ।
 
प्रशिक्षक पुबुदु दासानायकेसहित टोलीमा कप्तान पारस खड्का, उपकप्तान ज्ञानेन्द्र मल्ल र खेलाडीहरु शक्तिप्रसाद गौचन, वसन्त रेग्मी, शरद भेषवाकर, अनिल मण्डल, सुवास खकुरेल तथा विनोद भण्डारी, प्रदीप ऐरी, सागर पुन, जितेन्द्रकुमार मुखिया, सोमपाल कामी, राजेश पुलामी मगर, करण केसी, सिद्धान्त लोहनी र अविनाश कर्ण सामेल छन् ।