भारतको धर्मशाला क्रिकेट मैदानमा आज भएको अभ्यास खेलअन्तर्गत अन्तिम खेलमा नेपाली टोली हिमाञ्चलसँग सात रनले पराजित भएको हो । उक्त प्रतियोगितामा चार खेल खेलेको नेपालले दुई खेलमा जित तथा दुई खेलमा हार बेहोरेको छ । यसअघि हिजो भएको खेलमा पनि नेपाल हिमाञ्चलसँग २४ रनले पराजित भएको थियो ।
त्यसैगरी, नेपालले पहिलो खेलमा हिमाञ्चलमाथि पाँच विकेटको जित हात पारेका थियो भने दोस्रो खेलमा ६१ रनले विजयी भएको थियो ।
टस जितेर पहिले व्याटिङ रोजेको हिमाञ्चलले निर्धारित २० ओभरमा ६ विकेट गुमाउँदै १५० रनको योगफल तयार पा¥यो । जवाफी व्याटिङमा उत्रेको नेपाल भने २० ओभरमा सात विकेट गुमाउँदै १४३ रनमा समेटियो ।
नेपालका लागि अभिनाश कर्णले २ विकेट लिए भने जितेन्द्र मुखिया, प्रदिप ऐरी र बसन्त रेग्मीले १-१ विकेट लिए । तीव्र गतिका बलरद्वय सोमपाल कामी र करण केसीलाई भने आराम दिइएको थियो ।
जवाफमा मैदान उत्रिएको नेपालले २० ओभरमा ७ विकेट गुमाएर १४३ रन बनायो । सुवास खकुरेलसँगै सागर पुनलाई आराम दिइएको खेलमा अनिल मण्डल र ज्ञानेन्द्र मल्लले ओपनिङ सम्हालेका थिए ।
अनिल र ज्ञानेन्द्रले पहिलो विकेटका लागि ३८ रनको साझेदारी गरे । अनिल १५ रनमा आउट भए । ज्ञानेन्द्रले २९ रनमा आउट भए भने विनोद भण्डारी ६ रनमा नै पभेलियन फर्किए ।
कप्तान पारस खड्का र राजेश पुलामी मगरले चौथो विकेटका लागि ३८ रनको साझेदारी गरे । राजेश २३ रनमा आउट भए । शरद भेसवाकरले १३ रन जोडढे भने प्रदिप ऐरी मात्र ३ रनमा क्याच आउट भए ।
प्रतिक्रिया