ड्यालस (अमेरिका) । टेक्ससको युलेसमा रहेको नेपाली सांस्कृतिक तथा आध्यात्मिक केन्द्रले मन्दिर तथा बिहार निर्माणस्थलमा आउँदो शनिबार भूमि शुद्धि पूजा गर्ने भएको छ ।

पशुपतिनाथ मन्दिर तथा बौद्ध बिहार रहने स्थानको भूमिमा कुनै दोष देखिएमा त्यसलाई निराकरण गर्नका निम्ति भूमिशोधन पूजा गर्नुपर्ने धार्मिक मान्यता अनुसार गर्न लागिएको हो । आउँदो फेब्रुवरी १४ तारिक शनिबार बिहान ११ बजे हुने भूमिशोधन पूजामा सहभागी हुनका लागि केन्द्रले हिन्दु तथा बौद्ध धर्माबलम्बीहरुमा अनुरोध गरेको छ ।

उक्त पूजा पछि जमिनमा औपचारिक रुपमा मन्दिर तथा बिहारको निर्माण सुरु हुनेछ । केन्द्रले पहिलो चरणमा बौद्ध बिहारको निर्माण थाल्ने तयारी गरेको छ । बिहारको लागत मन्दिरको भन्दा केही कम रहेको जनाइएको छ ।