नेपाली समाज टेक्सासद्वारा संचालित ग्लोवल नेपाली पाठशालाले नयाँ भर्ना आह्वान गरेको छ । नेपाली समुदायको माग र सुविधालाई मध्यनजर गरेर यस वर्ष “फेस टु फेस र अनलाईन” माध्यमबाट कक्षाका संचालन गरिने भएको छ । यस सेसनको संचलनका लागि जनवरी २७ देखि मे ५ सम्म पशुपतिनाथ तथा बुद्ध मन्दिर, यूलेस, टेक्ससमा शनिवार र आईतवार फेस टु फेस वा अनलाईनका माध्यमबाट अध्यापन गर्ने गरि भर्ना आह्वान गरिएको छ ।
प्रवासमा हामीले जति नै सम्पती जोडेता पनि नेपालीपन र नेपाली मनको सन्तती हुर्काउन सकेनै भने भोलीका दिनमा हामीसंग सम्पती त होला तर नेपालीपनको सन्तती नरहन पनि सक्छ । यीनै कुरालाई मध्येनजर गरेर हाम्रा भावी पुस्तालाई नेपालीभाषा, कला, संस्कृती, अध्यात्मिकता, ऐतिहासिक र भौगोलिक ज्ञानको हस्तान्तरण गर्नु हाम्रो जिम्मेवारी रहन गएको छ । यसै क्रममा नेपाली समाज टेक्ससले नेपाली पाठशालाका माध्यमबाट प्रवासमा रहेका बालबालिकाहरुलाई लक्षित गरेर पाठ्यक्रम र पाठ्य-सामग्री निर्माण गरी बालबालिकाहरुलाई नेपालसंग जोड्ने बिभिन्न बिषयबस्तुहरुको ज्ञान दिदै आएको छ ।
यसैको निरन्तरताका लागी यस सेसनमा ग्लोवल पाठशालाले नेपाली भाषाको तह १ देखि ४ सम्म अनलाईन र फेस टु फेसका कक्षाहरु, अनलाईन कोडिङ कक्षाहरु, गणितको ईलिमेन्ट्री र मिडिल स्कुलका बिधार्थीलाई सहयोगार्थ फेस टु फेस सहायता कक्षा, पब्लिक स्पिकिङ र लिडरसीप, मेडिटेसन र योगा, आर्ट पेन्टिङ र डान्सका कक्षाहरु संचालन गर्ने गरि कार्य थालनी गरेको छ ।
यस पाठशालाबाट संचालित फे सटु फेसका कक्षा बाहेक अनलाईन कक्षाहरुमा यदी समय पायक पर्छ भने अमेरिका बिभिन्न राज्यहरुबाट वा अन्य देशहरुबाट पनि अध्ययन गर्न सक्ने प्रावधान गरिएकोछ ।
यस सेसनको भर्नाको र यससंग सम्बन्धित अन्य जानकारीहरु तल फ्लायर र भर्ना लिंकमा ऊल्लेख गरिएको छ ।
प्रतिक्रिया