ड्यालस (अमेरिका) । अन्तर्राष्ट्रिय साहित्य समाज अमेरिका, ड्यालस च्याप्टरले कथाकार कृष्ण कुसुमको नयाँ कथाकृति ‘पार्श्वधुन’ को आइतबार ड्यालसमा चर्चा कार्यक्रम आयोजना गरेको छ ।

ड्यालसमा सकृय साहित्यकारहरु तथा शुभेच्छुकहरुको सहभागितामा आयोजना भएको कार्यक्रममा पार्श्वधुनमा समावेश कथाहरुका विषयमा साहित्यकार सतिश त्रिपाठी, अनेसासं च्याप्टर अध्यक्ष निर्मला राई र संस्थापक अध्यक्ष भीम कार्कीले समिक्षा एवं चर्चा गरेका थिए । समीक्षकहरुले प्रवासको नेपाली समुदायलाई केन्द्रमा राखेर लेखिएका कथाहरुले नेपाली साहित्यलाई उचाईमा पु¥याउन सघाउ पु¥याएको उल्लेख गरेका थिए ।

विगत एक दशकदेखि अमेरिका बस्दै आएका कथाकार कुसुमले कथा तथा गजल लेख्दै आएका छन् । कविता, गजल संग्रहहरु प्रकाशित गरिसकेका कुसुमको पार्श्वधुन पहिलो कथा संग्रह हो ।
हालै शिखा बुक्सले प्रकाशनमा ल्याएको पार्श्वधुनमा १३ वटा कथाहरु समेटिएका छन् । कथा संग्रहमा केही पहिलेनै प्रकाशित र केही अप्रकाशित कथाहरु रहेका छन् ।

समिक्षक त्रिपाठीले १३ मध्य ९ कथाहरु अमेरिकाको जीवन र पात्रहरु रहेको चर्चा गर्दै कथाकार कुसुमले नयाँनयाँ विषयहरु समेटेको अनुभव आफूले पाएको उल्लेख गरे । त्यस्तै साहित्यकार कार्कीले

अमेरिकामा ड्यालस साहित्यकार र साहित्यनुरागीहरुको केन्द्र बनेको चर्चा गरे । पाश्र्वधुनमा समावेश कथाले प्रवासको नेपाली समाजको संकेत गरेको धारणा समिक्षकहरुको थियो ।

कार्यक्रममा कथाकार कुसुमले कथासंग्रहका बारेमा जानकारी दिँदै अाफूले समाजमा देखेका, भोगेका मिहिन विषयहरूलाइ कथाका माध्यमबाट बाहिर ल्याएको उल्लेख गरे । कार्यक्रमको सञ्चालन सुमन कार्की ‘काजी’ ले गरेका थिए ।