कोलोराडो (अमेरिका)– एनआरएन कोलोराडो च्याप्टरको कार्यसमितीको पहिलो बैठकले ११ सदस्सिय सल्लाहकार समिती चयन गरेको छ ।

अध्यक्ष प्रकास पौडेलको अध्यक्षतामा आईतबार सम्पन्न बैठकमा उपस्थित कार्यसमितीका सदस्यहरूको बहुमतले सल्लाहकार समिती चयन गरेको हो ।

यसरी चयन हुने सल्लाहकार समितीका सदस्यहरूमा पुरूषोत्तम पाण्डे, नवराज श्रेष्ठ, सुनिल पाठक, धन पौडेल, शंकर गुरूङ, भुवन साप्कोटा, दिनेश श्रेष्ठ, गीता गौली, दिपक सुनुवार, कृष्ण थापा मगर र अरसी पन्त रहेका छन् ।

सल्लाहकार समिती चयनगर्दा कोलोराडोमा रहेका संघ संस्था, व्यवसायी, समाजसेवी, बुद्धीजिवी सबै पेशा वर्ग जातजातीको प्रतिनिधित्व हुनेगरी चयन गरिएको अध्यक्ष प्रकास पौडेलको बताएका छन् ।

त्यसैगरी कार्यसमितीको बैठकमा स्थानीय संघ संस्थाहरू संग कसरी समन्वय गर्दै अगाडी बढ्ने र भावी कार्यक्रमहरूलाइ कसरी प्रभावकारी बनाउने भन्ने बिषयमा गहन छलफल भएको अध्यक्ष पौडेलले बताएका छन् ।