ड्यालस (अमेरिका) । नेपाली समाज टेक्सस र नेपाली आध्यात्मिक तथा सांस्कृतिक केन्द्रको संयुक्त आयोजना शनिबारबाट बालबालिकाहरुका लागि समर क्याम्प सुरु भएको छ ।

शनिबार एक विशेष समारोहबीच क्याम्प उद्घाटन भएको छ । डा. चिन्तामणि योगीबाट सञ्चालन हुने क्याम्प आउँदो शनिबारसम्म चल्नेछ । यो क्याम्पमा स्कुल पढ्ने बालबालिकाहरुको सहभागिता छ ।

बालबालिकाहरुलाई हिन्दू धर्म संस्कार, योग, नैतिक शिक्षा, आर्ट लगाएर आध्यात्मिकताका बारेमा ज्ञान दिनका लागि नेपाली समाज टेक्सस र नेपाली आध्यात्मिक तथा सांस्कृतिक केन्द्रले हरेक वर्ष समरको समयमा यस्तो क्याम्प आयोजना गर्दै आएका छन्

यस पटकको समर क्याम्पमा दुईसय २९ विद्यार्थीहरु दर्ता भएका छन् । यी मध्य एकसय ७५ विद्यार्थी र ५४ जना विद्यार्थी स्वयम्सेवकहरु छन् ।

क्याम्प हरेक दिन बिहान ९ बजे सुरु भएर दिउँसो साढे तीन बजेसम्म सञ्चालन हुनेछ । हरेक वर्ष समरको समयमा हुने समर क्याम्प नेपाली समुदायमा अलग्गै ब्राण्ड बनिसकेको छ ।