ड्यालस (टेक्सस)- अमेरिकाको ड्यालसमा संचालित हिमालयन हेल्थ क्लिनिकमा आईतबार ६२ जनाको निःशुल्क उपचार गरिएको छ ।

नेपाली चिकित्सकहरु तथा स्वास्थकर्मीद्वारा संचालित निःशुल्क शिविरमा ६२ जनाको स्वास्थ जाँच लगायत उपचार गरिएको हो । क्लिनिकका व्यवस्थापक राज श्रेष्ठका अनुसार अहिले हरेक महिनाको एक पटक शिबीर आयोजना हुँदै आएको छ ।

आईतबार सम्पन्न शिबीरमा डा. विष्णु सापकोटा, डा. शर्मिला श्रेष्ठ, पुजा सैजु, रजनी श्रेष्ठ, स्मृति श्रेष्ठ लगायतले सेवा प्रदान गरेका थिए ।

त्यस्तै नर्सहरु कमला अधिकारी, सुवासिनी खाँड लगायतले सेवा दिएका थिए । आउँदो महिना जुलाई ९ तारिक शिबीर हुने बताईएको छ ।

१० तारिक रक्तदान

यसैगरि हिमालय हेल्थ क्लिनिक, टेक्सस मेडिकल एसोसिएशन र ब्लड डोनर्स अमेरिकाको संयुक्त आयोजनामा यहि जुन १० तारिक आईतबार युलेस स्थित नयाँ मन्दिरमा रक्तदान कार्यक्रम हुन लागेको छ ।

उक्त कार्यक्रममा सहभागी भएर रक्तदान गरिदिनका लागि संस्थाहरुले आव्हान गरेका छन् ।