ड्यालस (टेक्सस)। टेक्ससको ड्यालसमा रहेको पशुपतिनाथ मन्दिर तथा बौद्ध विहारको प्याट्रोनमा तीन जना थपिएका छन्।

ड्यालसमा सफल व्यबसायीका रूपमा परिचय बनाएका दिपेश श्रेष्ठ, विकल ढकाल र उपेन्द्र ढकालले ५० हजार डलर मन्दिरलाइ प्रदान गरेका छन् । विधानतः तीनैजनालाइ प्याट्रोनका रूपमा राखिएको छ । यसअघिनै १२ जनाले कम्तिमा ५० हजार दिएर प्याट्रोन भैसकेका छन् ।

मन्दिरको विधान अनुसार ५० हजार डलर भन्दा बढी दिनेलाइ फेमिली प्याट्रोनका रूपमा सम्मान दिइन्छ । यस अघिनै अभिषेक अग्रवाल, अनिल पाठक *, बासुदेव भण्डारी, भीम कार्की (युनिक मार्ट), डा. मुरली अधिकारी, डा. सञ्जीब श्रेष्ठ, गाैरीराज जोशी, कपिल अधिकारी, कृष्ण पन्त, महेन्द्र कुँवर, नरेश पाण्डे र शैलेन्द्र मानन्धरले ५० हजार दिएर प्याट्रोनका रूपमा रहिसकेका छन् । प्याट्रोन भैसकेकाहरूले कम्तिमा ५० हजारदेखि लिएर ६५ हजारसम्म दिएका छन् । कृष्ण पन्तले एकलाख दिने घोषणा गरेका छन् । उनले ५० हजार दिइसकेका छन् ।

अहिलेसम्म मन्दिरलाइ १५ हजार डलर प्रदान गरेर ६४ जना अनरेबल ट्रष्टी, ११ हजार प्रदान गरेर ८२ जनाले ट्रष्टी, तीनहजार ५ सय डलर दिएर चारसय दुइजनाले संस्थापक सदस्यता र ५ हजार तिरेर एकसय २२ जनाले अनरेबल संस्थापक सदस्यता लिइसकेका छन् ।

मन्दिरको दोस्रो र तेस्रो चरणको कार्यका लागि ठूलो रकम लाग्ने भएकोले ड्यालस फोर्टवर्थमा बसोबास गर्ने हरेक परिवारलाइ क्षमता अनुसारको सदस्यता ग्रहण गरेर सयोग गर्न मन्दिर व्यबस्थापले अनुरोध गरेको छ ।

५० हजार डलर दिएर प्याट्रोन बनेका दिपेश ड्यालस फोर्टवर्थ मेट्रोप्लेक्स सिटीका चीर परिचित सफल व्यवसायी हुन् । कैँयौ ग्याँस स्टेशनहरु, रियलस्टेटका साथै पछिल्लो समयमा बैंकिंग क्षेत्रमा उनको लगानी छ ।

अध्ययनका लागि अमेरिका आएका विकल ढकाल पनि निकै सफल व्यवसायी हुन् । स्टोरहरु, होटल, रियलस्टेट र पछिल्लो समयमा होलसेल व्यापारमा उनी स्थापित छन् ।

पेशाले ईन्जिनियर उपेन्द्र ढकाल अर्का सफल व्यवसायी हुन् । रियलस्टेटमा उनको ठूलो लगानी छ ।

*  प्याट्रोन अनिल पाठकको नाम भुलवशः छुट्न गएकोमा समावेश गरिएको छ ।