ड्यालस (टेक्सस) । अमेरिकामा रहेका नेपाली समुदायको सकृयतामा स्थापित भएको एभरेष्ट क्रेडिट युनियनले आइतबारददेखि ड्यालसमा कारोवार सुरु गरेको छ ।

युलेसमा रहेको नेपाली सांस्कृतिक तथा आध्यात्मिक केन्द्रको भवनमा बिजनेस सुइट भाडामा लिएर कारोवार सुरु गरेको हो । आइतबार दिउँसो स्थानीय समुदायको उल्लेख्य सहभागिताबीच क्रेडिट युनियनले कारोवार सुरु गरेको हो ।

एभरेष्ट क्रेडिट युनियनको मुख्य कार्यालय न्यूयोर्कमा रहेको छ । पशुपतिनाथ मन्दिरको पुजारी मेघराज निरौलाले स्वस्तीवाचन गरेर युनियनको उद्घाटन गरेका थिए ।

सानोतिनो व्यबसायीक कर्जा प्राप्त गर्नका लागि क्रेडिट युनियनबाट सजिलो हुनुका साथै नियमित वचत गर्न सकिने र वचतकर्ताहरुका लागि स्वतः जीवन बीमा जस्ता सुविधा दिइएको छ ।

ड्यालस फोर्टवर्थ मेट्रोप्लेक्स सिटीमा नेपाली समुदायको संख्या बढेसँगै व्यबसायमा कृयाशील पनि थपिदै गएका छन् । क्रेडिट युनियनले बिना धितो कर्जा प्रवाह गर्ने हुँदा व्यबसायका लागि सानोतिनो चालु पूँजी जुटाउन र वचतकर्ताहरुका लागि पनि सजिलो पर्ने धारणा सञ्चालकहरुको छ ।

अमेरिकामा बैंकहरुले नगण्य व्याज दिन्छन् । तर क्रेडिट युनियले राम्रो दरमा व्याज प्रदान गर्ने हुँदा वचतकर्ताहरुका निम्ति पनि आकर्षक हुने बताइएको छ ।