ड्यालस (टेक्सस) । टेक्ससकी निर्मला राई लगायत अमेरिकामा रहेका १२ लेखिकाहरुले आफ्नी आमाका बारेमा लेखेको कृति छोरीले जन्माएका आमाहरु आइतबार ड्यालसमा पुस्तक चर्चा गरियो ।

अन्तर्राष्ट्रिय नेपाली साहित्य समाजले आयोजना गरेको कार्यक्रममा वक्ताहरुले आमाको देनका बारेमा चर्चा गरेका थिए । विगत २२ वर्षदेखि ड्यालसमा बस्दै आएकी राई हाल अन्तर्राष्ट्रिय नेपाली साहित्य समाज टेक्सस च्याप्टरकी अध्यक्ष समेत हुन् ।

कृतिका बारेमा आइतबार ड्यालसमा आयोजित पुस्तक चर्चा कार्यक्रममा वक्ताहरुले छोराछोरीलाई क्षमतावान बनाउन सबैभन्दा ठूलो हात आमाको हुने हँुदा उहाँहरुको बारेमा पुस्तक लेखिनु अरुका निम्ति पनि प्रेरणाको विषय भएको चर्चा गरे ।

कार्यक्रममा अनेसास टेक्सस च्याप्टरका संस्थापक अध्यक्ष भीम कार्की, साहित्यकारहरु बिटु केसी बराल, बासु शर्मा, सुमन काजी लगायतले पुस्तकका बारेमा चर्चा गरेका थिए ।

छोरीले जन्माएका आमाहरु कृतिमा १२ आमाहरुका बारेमा छोरीले लेखेका छन् । मञ्जु थापाको परिकल्पना तथा संयोजन, जयदेव गौतमको सम्पादनमा प्रकाशित पुस्तकमा लेखकहरुले आफ्नी आमाको संघर्षका विषयहरु लेखेका छन् ।