ड्यालस (अमेरिका) । नेपाली समाज टेक्ससले अन्तर्राष्ट्रिय नारी दिवसका अवसरमा शनिबार एक कार्यक्रमको आयोजना सम्पन्न गरेको छ ।

टेक्सस राज्यकी सांसद टेरी मेजाको प्रमुख आतिथ्यतामा भएको कार्यक्रममा युलेस सिटीकी मेयर लिण्डा मार्टिन, नेपालकी पूर्ब सांसद डा. बिन्दा पाण्डे लगायतले महिला अधिकारको अवस्थाका बारेमा चर्चा गरेका थिए ।

कार्यक्रममा पूर्ब सांसद पाण्डेले नेपाली महिलाको वर्तमान अवस्था र उपलब्धिका बारेमा पावरप्वाइन्ट प्रस्तुत गर्दै इतिहासदेखि वर्तमानसम्मको गतिविधिका बारेमा चर्चा गरेकी थिइन् ।
नेपालको संसदमा महिला सहभागिता उत्कृष्ठ रहेको तथ्यांक प्रस्तुत गर्दै डा. पाण्डेले जम्मा तीनसय ३३ दशमलव ५ प्रतिशत महिला रहेको समेत उल्लेख गरिन् ।

सोही अवसरमा युलेस सिटीकी मेयर लिण्डा मार्टिनले नेपाली समुदायको प्रस्तुती एवं कृयाशीलतालाई लिएर प्रशंसा गरेकी थिइन् । टेक्सस स्टेट हाउसकी सांसद टेरी मेजाले नेपालीहरुको सहभागिता हरेक क्षेत्रमा निकै सकृय रहेको चर्चा गर्दै आपूmले सहयोग गर्दै आएको बताइन् ।

नेपाली समाज टेक्ससकी उपाध्यक्ष डा. विष्णुमाया उपाध्याय, महिला संयोजक गुञ्जन भण्डारी, सब्दिता प्याकुरेल लगायतले मन्तव्य राखेका थिए । कार्यक्रममा स्थानीय कलाकारहरुबाट नृत्य पनि प्रस्तुत गरिएको थियो ।