टेक्सस । नेपाली समुदायका अग्रज व्यबसायी समेतको लगानी रहेको ग्लोबल वान बैंकले लगानीकर्ताहरुसँग शनिबार साँझ छलफल गरेको छ ।

हालैमात्र केही बैंकहरु गाभिएर एक भएको ‘ग्लोबल वान बैंक’ मा विशेषगरि एसियन समुदायको लगानी रहेको छ । नेपाली, भारतीय, पाकिस्तानी, कोरिएन, चिनियाहरुको यो बैंकमा लगानी रहेको छ ।

कार्यक्रममा वक्ताहरुले ठूला बैंकहरुले व्यबसायमा लगानी गर्दा धेरै कागज, धितो माग्ने कारणले समुलायको आर्थिक प्रगतिमा आफ्नै समुदायको बैंक सहयोगी हुने विचार व्यक्त गरे ।
कार्यक्रममा नेपाली लगानीकर्ताका तर्फबाट दिपेश श्रेष्ठले धारणा राख्दै लगानी गर्न र व्यबसाय प्रवद्र्धनका लागि बैंक सहयोग गर्न तत्पर रहेको उल्लेख गरे ।

फस्ट ग्लोबल बैंकको मुख्य कार्यालय टेक्ससको ह्युस्टनमा रहेको छ । कार्यक्रममा सहभागी हुनका लागि अमेरिकाका बिभिन्न राज्यहरुमा रहेका नेपाली समुदायका सदस्यहरु समेत ड्यालस आएका थिए ।