नयाँ दिल्ली । भारतमा कोरोनाभाइरसबाट एकैदिनमा झण्डै दुई लाख नयाँ सङ्क्रमित थपिएका छन् । सरकारी अधिकारीहरुले बुधबार दिएको जानकारीअनुसार पछिल्लो २४ घन्टामा एक लाख ९४ हजार ७२० जना नयाँ सङ्क्रमित थपिएका हुन् ।
मन्त्रालयले भारतमा अहिलेसम्म कुल सङ्क्रमितको सङ्ख्या तीन करोड ६० लाख ७० हजार ५१० पुगेको जनाएको छ । भारतमा अहिले सङ्क्रमित अवस्थामै रहेकाहरुको सङ्ख्या भने नौ लाख ५५ हजार ३१९ रहेको मन्त्रालयले जनाएको छ ।
दैनिक नयाँ सङ्क्रमितहरुको वृद्धिदर ११.५ प्रतिशत रहेको मन्त्रालयका अधिकारीहरुले जानकारी दिएका छन् । महामारीको प्रभाव सबैभन्दा बढी अहिले पनि महाराष्ट्र प्रदेशमा देखिएको छ । महाराष्ट्रमा मात्रै एक दिनमा थप ३४ हजार ४२४ नयाँ सङ्क्रमित थपिएका छन् ।
दोस्रो धेरै दिल्ली प्रदेशमा २१ हजार २५९ र कर्नाटकमा १४ हजार ४७३ जना नयाँ सङ्क्रमित थपिएको अधिकारीहरुले जनाएको छ । नयाँ सङ्क्रमितमध्ये चार हजार ८६८ जना ओमिक्रोन भाइरसबाट सङ्क्रमितहरु रहेको जनाइएको छ ।
अघिल्लो दिन सोमबार सार्वजनिक गरिएको विवरणमा पछिल्लो २४ घन्टामा भारतमा एक लाख ७९ हजार ७२३ जना सङ्क्रमित भएको उल्लेख गरिएको थियो ।
भारतमा सक्रिय सङ्क्रमित र नयाँ सङ्क्रमित दुवैको सङ्ख्या तीव्ररुपमा बढ्दै गएको भन्दै चिन्ता व्यक्त गरिएको छ । भारतमा मंगलबार आठ लाख २१ हजार ४४६ जना सक्रिय सङ्क्रमित रहेका थिए । एजेन्सी
हिमालय खबर -
- प्रतिकूल अवस्था र सुरक्षा चुनौतीको सामना सशस्त्र प्रहरी सक्षम : प्रधानमन्त्री
- भर्चुअल तथा नेटवर्किङ कारोबारमा संलग्नलाई कारबाहीको चेतावनी
- कोरोना भाइरसका कारण आइतबार चार जनाको मृत्यु
- चीनको सुनियोजित षड्यन्त्र र नांगो हस्तक्षेप बन्द गर्न आग्रह
- अमेरिका चीन सम्बन्ध चिसियो : चीनका लागि उडान स्थगित गर्ने बाइडेन प्रशासनको निर्णय
- संयुक्त राष्ट्रसंघ प्रमुखद्वारा अमेरिका-चीनलाई वार्ता गर्न आह्वान
- शनिबार २० हजारको परीक्षण गर्दा १० हजार बढी सङ्क्रमित, १६ जनाको निधन
- प्रधानमन्त्रीद्वारा राष्ट्रका नाममा सम्बोधन : सरकारका कामले जनतामा आशा र भरोसा बढेको छ (पूर्णपाठ)
- पाँचदेखि ११ वर्षसम्मका बालबालिकालाई खोपको अभियान छिट्टै : प्रधानमन्त्री देउवा
- सरकारका छ महिना : ऊर्जा क्षेत्रमा महत्त्वपूर्ण प्रगति
प्रतिक्रिया