बेइजिङ । चीनका राष्ट्रपति सी चिनफिङले सोमबार संयुक्त राष्ट्र संघमा जनवादी गणतन्त्र चीनको वैधानिक स्थानको पुनर्स्थापनाको ५०औँ वार्षिकोत्सवको अवसरमा आयोजित स्मरणार्थ सम्मेलनमा महत्त्वपूर्ण भाषण गरेका छन् ।
सम्बोधनका क्रममा चिनियाँ राष्ट्रपतिले चीन र विश्वबीचको सम्बन्धका बारेमा आफ्नो धारणा व्यक्त गर्दै भनेका छन्, ‘यी पचास वर्षदेखि चिनियाँ जनताले विश्वभरका जनतासँग ऐक्यबद्धता र सहयोगमा उभिएका छन् र अन्तर्राष्ट्रिय समानता र न्यायलाई समर्थन गर्दै विश्व शान्ति र विकासमा महत्त्वपूर्ण योगदान पुर्याएका छन् ।’ राष्ट्रपति सीका अनुसार चिनियाँ जनता शान्तिप्रिय जनता हुन् र शान्ति र स्थिरताको मूल्य राम्ररी जान्दछन्।
राष्ट्रपति सीको टिप्पणी छ, ‘हामीले शान्तिको स्वतन्त्र परराष्ट्र नीतिलाई अडिग रूपमा पालना गरेका छौं, निष्पक्षता र न्यायको पक्षमा अडिग छौं र आधिपत्य र सत्ताको राजनीतिको दृढतापूर्वक विरोध गरेका छौँ ।’
यसैबीच चिनियाँ नेताले सार्वभौमसत्ता, सुरक्षा र विकास हितको रक्षाका लागि अन्य विकासोन्मुख राष्ट्रहरूको न्यायोचित सङ्घर्षमा चिनियाँ जनताको बलियो समर्थक रहेको बताएका छन् ।
‘ताजारा रेलवेदेखि बेल्ट एण्ड रोड इनिसिएटिभसम्म, हामीले अन्य विकासोन्मुख देशहरूलाई मद्दत गर्न सकेका छौँ र हाम्रो आफ्नै विकासको माध्यमबाट विश्वलाई नयाँ अवसरहरू प्रदान गरेका छौँ’, राष्ट्रपति सीले भने । विश्वलाई कोभिड–१९ महामारीसँग लड्न चीनले पनि महत्त्वपूर्ण भूमिका खेलेको छ ।
यस महामारीको कठिन समयमा चीनले विश्वसँग कोभिडपछिको प्रतिक्रिया अनुभव आदान(प्रदान गर्न सक्रिय रहेको छ र ठूलो मात्रामा आपूर्ति, खोप र औषधिहरू पठाएको छ । चीनले संयुक्त राष्ट्र सुरक्षा परिषद्को स्थायी सदस्यको रूपमा आफ्नो जिम्मेवारी र मिसनलाई इमानदारीपूर्वक पूरा गरेको छ, संयुक्त राष्ट्रसंघ बडापत्रको उद्देश्य र सिद्धान्तहरूमा इमानदार रहेको छ र अन्तर्राष्ट्रिय मामिलामा संयुक्त राष्ट्रको केन्द्रीय भूमिकालाई समर्थन गरेको छ।
मानव जाति एक अभिन्न समुदाय हो र पृथ्वी हाम्रो साझा मातृभूमि भएको उल्लेख गर्दै राष्ट्रपति सीले मानव जातिको साझा भविष्ययुक्त समुदाय निर्माण गर्न राष्ट्रपति सीले आह्वान गरेका छन् ।
राष्ट्रपति सीले मानवजातिको साझा भविष्य भएको समुदाय निर्माण गर्नु भनेको एउटा प्रणाली वा सभ्यतालाई अर्को प्रणालीले प्रतिस्थापन गर्नु होइन, बरु, यो साझा हित र अधिकारका लागि विभिन्न सामाजिक प्रणाली, विचारधारा, इतिहास, संस्कृति र विकासका स्तरहरू भएका देशहरूको बारेमा भएको टिप्पणी गरेका छन् ।
विश्वव्यापी मामिलाहरूमा साझा जिम्मेवारीहरू सुन्दर संसार निर्माण गर्नका निम्ति सबैभन्दा ठूलो संयोजन र सृजना भएको राष्ट्रपति सीको टिप्पणी छ। एजेन्सी
प्रतिक्रिया