कला

कोलोराडोमा नेपाली भाषा पाठशालाको सहयोगार्थ सांगीतिक साँझ आयोजना हुने

प्रकाशित |
कोलोराडो, अमेरिका । नेपाली भाषा पाठशालाको सहयोगार्थ कोलोराडोमा पुरूषोत्तम न्यौपाने सांगीतिक साँझ कार्यक्रम आयोजना गरिने भएको छ ।
 
एनआरएन कोलोराडो च्याप्टर र अनेसास कोलोराडो च्याप्टरको संयुक्त आयोजनामा आगामी अक्टोबर २३ तारिक शनिबारका दिन सो कार्यक्रम आयोजना गरिन लागिएको हो ।
 
डेनभरस्थित याक एण्ड यती रेस्टुरेन्टमा आयोजना गरिन लागिएको कार्यक्रमलाई भव्यताका साथ सफल पार्न एनआरएन कोलोराडो च्याप्टरका अध्यक्ष आरसी पन्त र अनेसास कोलोराडो च्याप्टरका अध्यक्ष राजु सिटौलाको संयोजनमा ९ सदस्यीय कमिटी गठन गरिएको एनआरएन कोलोराडो च्याप्टरका अध्यक्ष पन्तले बताएका छन् । 
 
यसरी गठन गरिएको कमिटीका अन्य सदस्यहरुमा प्रकाश पौडेल, शंकर गुरुङ, किरण अधिकारी, विजयदेव अधिकारी, दिलकुमारी श्रेष्ठ, सुशील दहाल र निर्मला अर्याल रहेका छन् ।
 
यस कार्यक्रमको मुख्य प्रायोजक याक एण्ड यती डेनभर रहेको छ भने प्रमुख सल्लाहकार बासुदेव खनाल रहेका छन् । यसैगरी प्रमुख गायक पुरुषोत्तम न्यौपानेसँगै स्थानीय कलाकारहरु दीपक गौतम र सम्झना पाण्डेलगायतका कलाकारहरुको प्रस्तुति रहने बताइएको छ । यहाँ क्रियाशील सबै संघसंस्थाका पदाधिकारी, गन्यमान्य, बुद्धिजीवी, समाजसेवी, कलाकार, पत्रकार, व्यवसायी, सर्वसाधारण सबैलाई कार्यक्रम सफल बनाउन सहयोग गरिदिनु अनुरोध गरिएको छ ।
 
प्रवासमा जन्मेहुर्केका बालबालिकाहरुलाई नेपाली भाषा तथा संस्कृति सिकाउने उद्देश्यले यसअघि कोलोराडोको लङमन्ट, अरोरालगायतका सहरमा भाषा पाठशाला सञ्चालनमा आए पनि विभिन्न कारणबाट निरन्तरता पाउन सकिराखेका छैनन् । 

यो पनि पढ्नु होला>> आन्तरिक राजनीतिको गोटी बनाइदैछ एमसिसीलाई । जनताबीच एक आपसमा लडाउने र भीडाउने हतियार बनाइदैछ एमसिसीलाई -रामचन्द्र भट्ट


यो खबर पढेर तपाईलाई कस्तो महसुस भयो ?

प्रतिक्रिया