काठमाडौँ । नेपाली सेना संयुक्त राष्ट्र संघको आह्वान्मा शान्ति सैनिक पठाउने सूचीमा दोस्रो स्थानमा स्तरोन्नति भएको छ ।
संयुक्त राष्ट्र संघको १२ शान्ति स्थापनार्थ मिसनमा सहभागी नेपाली सेना राष्ट्र संघको वरियता सूचीमा तेस्रो स्थानबाट अहिले दोस्रो स्थानमा उक्लिएको हो ।
राष्ट्र संघले विभिन्न मिसनमा फौजको संख्या घटाइरहेका बेला नेपालको राम्रो कार्य क्षमताका कारण संख्या थपको माग भइरहेको सेनाका प्रवक्ता सहायक रथी सन्तोष बल्लभ पौडेलले जानकारी दिए ।
विश्वका विभिन्न द्वन्द्वग्रस्त देशमा संयुक्त राष्ट्र संघको आह्वान्मा शान्ति स्थापनार्थ तैनाथ करिब १२१ राष्ट्रमध्ये संख्याका आधारमा बंगलादेश, नेपाल, भारत, इथियोपिया र रुवान्डा क्रमशः अग्रणी छन् । रासस
प्रतिक्रिया