काठमाडौँ । विश्वभरमा कोरोना भाइरसबाट सङ्क्रमितको संख्या १८ करोड ५० लाख ६० हजार ३९९ पुगेको छ । जोन्स हप्किन्स विश्वविद्यालयले दिएको पछिल्लो विवरणअनुसार विश्वभर कोरोना संक्रमितको संख्या १८ करोड ५० हजार नाघेका छन् । कोरोना भाइरसको संक्रमण सुरु भएयता हालसम्म विश्वभर यस सङ्क्रमणबाट ४० लाख ४ हजारको मृत्यु भएको छ ।
जसमा सबैभन्दा बढी संयुक्त राज्य अमेरिकाका रहेका छन् । अमेरिकामा संक्रमितको कुल संख्या तीन करोड ४५ लाख ९९ हजार पुगेको छ भने छ लाख २१ हजार ३३५ जनाले ज्यान गुमाएका छन् ।
यस्तै, दोस्रोमा बढी संक्रमित हुने मुलुकमा भारत रहेको छ । भारतमा कुल तीन करोड ६ लाख १९ हजार ९३२ जना संक्रमित रहेकोमा ४ लाख ३ हजार ३१० जनाले ज्यान गुमाएका छन् । यस्तै, तेस्रोमा ब्राजिल सबैभन्दा प्रभावित बनेको छ । ब्राजिलमा कुल एक करोड ८७ लाख ९२ हजार ५१२ जना संक्रमित रहेका छन् भने पाँच लाख २५ हजार २२९ जनाले ज्यान गुमाएका छन् ।
यसैगरी, फ्रान्समा ५७ लाख ८७ हजार संक्रमित रहेकोमा एक लाख ११ हजार १९७ जनाले ज्यान गुमाएका छन् । रुसमा ५६ लाख ५८ हजार ६७२ जना संक्रमित भएकोमा एक लाख ३९ हजार ३१६ जनाको मृत्यु भएको छ । टर्कीमा संक्रमितको संख्या ५४ लाख ४९ हजार ४६४ रहेकोमा ४९ हजार ९५९ जनाको मृत्यु भएको छ ।
यसैगरी, बेलायतमा कुल ४९ लाख ३० हजार ५३४ जना संक्रमित रहेकोमा एक लाख २८ हजार २३१ जनाको निधन भएको छ । अर्जेन्टिनामा कुल संक्रमित ४५ लाख ५२ हजार ७५० रहेकोमा ९६ हजार ५२१ जनाले ज्यान गुमाएका छन् । कोलम्बियामा ४३ लाख ७५ हजार ८२१ जना संक्रमित भएकोमा एक लाख ९ हजार ४४६ जनाले ज्यान गुमाएका छन् ।
इटालीमा ४२ लाख ६३ हजार ७९७ संक्रमित रहेकोमा एक लाख २७ हजार ६८० जनाको मृत्यु भएको छ । स्पेनमा ३८ लाख ६६ हजार ४७५ जना संक्रमित रहेकोमा ८० हजार ९३४ को ज्यान गएको छ ।
यस्तै, जर्मनीमा कुल ३७ लाख ३८ हजार ८४३ जना संक्रमित रहेकोमा ९१ हजार ५९५ जनाले ज्यान गुमाएका छन् । इरानमा ३२ लाख ८६ हजार ९२३ जना संक्रमित भएकोमा ८५ हजार ९५ जनाको मृत्यु भएको छ । पोल्याण्डमा २८ लाख ८० हजार ४०३ जनामा कोरोना संक्रमण भएकोमा ७५ हजार ९५ जनाको निधन भएको छ ।
यस्तै, मेक्सिकोमा २५ लाख ४१ हजार ८७३ जना संक्रमित रहेकोमा दुई लाख ३३ हजार ६८९ जनाले ज्यान गुमाएको जोन्स हप्किन्स विश्वविद्यालयले सार्वजनिक गरेको तथ्यांकमा उल्लेख गरिएको छ । यो विवरण विश्वभरका सबैभन्दा बढी प्रभावित १५ मुलुकको हो । एजेन्सीहरुको सहयोगमा
प्रतिक्रिया