नयाँ दिल्ली । भारतमा कोरोना संक्रमितको संख्या घट्दै गएको छ । गत २४ घन्टामा ३७ हजार ५६६ थप व्यक्तिमा कोरोना सङ्क्रमण भएको छ । यससँगै कोरोना सङ्क्रमितको कुल सङ्ख्या तीन करोड ३ लाख १६ हजार ८९७ पुगेको केन्द्रीय स्वास्थ्य मन्त्रालयले जनाएको छ ।
भारतमा गत २४ घन्टामा भएको कोरोना सङ्क्रमित यो संख्या विगत १०२ दिनयताकै सबैभन्दा कम हो । ४० हजारभन्दा कम व्यक्ति कोरोना सङ्क्रमण भएको १०२ पछि यो पहिलो पटक हो । भारतमा सोमबार कोरोना सङ्क्रमणबाट ९०७ व्यक्तिको मृत्यु भएको छ ।
करिब ७० दिनपछि भारतमा गत दई दिनयतादेखि एक हजारभन्दा कम व्यक्तिले कोरोनाबाट ज्यान गुमाएका छन् । गत अप्रिल १४ मा भारतका कोरोना सङ्क्रमणबाट एक हजार भन्दा बढीको मृत्यु भएको थियो । कोरोना प्रकोपबाट ज्यान गुमाउनेको संख्या तीन लाख ९७ हजार ६३७ पुगेको छ ।
हाल भारतमा पाँच लाख ५२ हजार ६५९ जना सक्रिय सङ्क्रमित रहेका छन् । भारतमा कोरोना शुरु भएदेखि हालसम्म दुई करोड ९३ लाख ६६ हजार ६०१ व्यक्ति कोरोना मुक्त भएका छन् । यहाँ कोरोना भाइरस मुक्ति दर ९६।८७ प्रतिशत रहेको छ ।
यहाँ गत जनवरी १६ बाट कोरोना भाइरसविरुद्धको खोप अभियान सुरु भएको थियो । सो समयदेखि हालसम्म ३२ करोड ९० लाख २९ हजार ५१० डोज कोरोनाविरुद्धको खोप लगाइएको छ । सिन्ह्वा र रासस
प्रतिक्रिया